Өлең, жыр, ақындар

Он саусақ

  • 24.04.2019
  • 0
  • 2
  • 10783
Оң қолымда бес саусақ,
Сол қолымда бес саусақ.
Егер тұрсам жазып жай,
Қадау-қадау қазықтай.
Қоссам бәрін, он болмақ,
Бұтақ болар он тармақ.
Оң қолдағы ашылған,
Бес саусақтың үстіне
Қонып жатыр, құс, міне:
Бас бармақта бір тұтам –
Ұзын сирақ көкқұтан.
Балалы үйрек қалапты –
Көгершінді балақты.
Ортан терек – аққуда,
Ұқсап қапты ол ақ туға.
Шылдыр шүмек басында
Орын дайын лашынға,
Кішкене бөбек
Бүркітке
Тиген екен, үркітпе.
Сол қолдағы ашылған,
Жас бұтақтай аршылған
Бес саусаққа көрікті,
Бес аң орын теуіпті.
Басбармаққа жабысқан –
Аң патшасы Арыстан.
Балалы үйрек бос тұр ма?
Ол тиіпті қасқырға,
Ортан терек – ең биік,
Ұшына шыққан жезкиік.
Шылдыр шүмек
Қайратты –
Жолбарыста айбатты.
Кішкене бөбек тұғыры –
Тік көтерген бұғыны.

Осылайша, қарашы,
Жақындасқан арасы,
Он саусақта тізіліп,
Бір-біріне қызығып,
Құстар қонған қаз-қатар,
Аңдар отыр қаз-қатар.
Қазір бәрі ән салмақ,
Балаларды қарсы алмақ.
Басталды ойын, алақай,
Тез жет, қалма, балақай!



Пікірлер (2)

Оспан Аңсар Ерланұлы

Маған өлеңдері ұнады. Өлең болмаса онда ешкім ес нәрсені жаттап алмайды.

АРАЙ СЫРЛЫБАЕВА ДЖУМАБЕКОВНА

КҮШТІ , керемет, Рахмеет

Пікір қалдырыңыз

Капитан болу ұнайды

  • 0
  • 0

Үстінде шалқар көк айдын
Өткізіп жүрер күн-айды,
Киімі жолақ жейделі
Капитан болу ұнайды.

Толық

Жаны жайсаң достарым

  • 0
  • 0

Жаны жайсаң достарым
Ұсынып төрден орын құрметтейтін,
Ешқашан ақ көңілді кірлетпейтін.
Әли Ысқабаев

Толық

Білімге сапар

  • 0
  • 0

Білімге сапар
Жадырап атты таң күліп,
Ұйқымды алғам қандырып.
Әли Ысқабаев

Толық

Қарап көріңіз