Өлең, жыр, ақындар

Алпыстан асқан жас болмас

  • admin
  • 24.11.2024
  • 0
  • 0
  • 484
Алпыстан асқан жас болмас,
Жөн табар мың бір тілегің.
Арулар аса қас болмас,
Ұрлата салар жүрегін.
Жетпісте жүрдім желпініп,
Жас емес, әрі-сәрі боп.
Қалса да жылдам жел тиіп,
Серілік бітпес нәрі көп.
Сексенге жеттім серпіліп,
Тағдырдан көрмей тапшылық.
Қалғам жоқ оқыс мертігіп,
Сабада сарқыт баршылық.
Қызуын шабыт жоймаймын,
Тергендей еңлік гүлдерді.
Сөз қазған сәтте ойлаймын
Жез қазған кенші күндерді.
Тірліктен қалмас көңілім,
Болса да жүрек жаралы.
Ендігі өлең-өмірім
Тоқсанға көзін салады.
Толағай қоймас санаспай,
Тоқсанның қалың орманы.
Тоғайдан сол бір адаспай,
Толғанып өтсем болғаны.

17.03.2012.
Астана



Пікірлер (0)

Пікір қалдырыңыз

Кенші сыры

  • 0
  • 0

Кенші сыры - Кәкімбек Салықов
Беу, муза!
Ен шабытқа бөледің бе?!
Бармаспын ел сырынан бөлек үнге.

Толық

Ақ тырналар

  • 0
  • 0

Барады аспандатып ақ тырналар,
Тізілген бұлт төсінде ақ сырғалар.
Кетті ғой жылы жаққа жаутаң қағып,
Кәкімбек Салықов

Толық

Элегия

  • 0
  • 0

Элегия - Кәкімбек Салықов
Арқалап мұңын ғаламның,
Соққысын таттым заманның.
Ойда жоқта оқ тиіп,

Толық

Қарап көріңіз

Басқа да жазбалар