Қадыр Мырза Әли

Қайсарлардың өзі талай қаусаған

Бұл бетте «Қайсарлардың өзі талай қаусаған» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.04.2019
0
0
4432

Қайсарлардың өзі талай қаусаған,
Қиын тірлік, қалай тура жол салам?!
Кеп арудың біреуін-ақ сүйесің,
Пысқырып та қарамайды ол саған!
Пәле кейде, алыста емес, іргеде,
Жасап та сен үлгермейсің бір кәде.
Бір сорлының жалғыз ұлы —
Қасірет —
Бар ғұмырын өткізеді түрмеде.
Жайдақ судай кешіп жүрген жеңілді.
Нені көрді?
Нені сезді?
Не білді?
Жалғыз-ақ қыз,
Оның өзі біреуге
Келін болып,
Құлазытар көңілді.
Кейбіреудің қырсық өмір жолы да,
Бақыт құсы қонбас оның қолына.
Бір долыдан өліп-өшіп құтылған
Үйленеді тағы да бір долыға!
Өмір шіркін бір орнында тұрмайды,
Бірде жылап,
Бірде көзің құрғайды.
Ғұмыр бойы қуамыз біз бақытты,
Бізді қуып жүреді ылғи бір қайғы!

бақыт қайғы ұл қыз қайсарлардың өзі талай қаусаған Қадыр Мырза Әли өлеңдері Қадыр Мырза Әли қайсар

Пікірлер (0)

Пікір қалдырыңыз

Жиі қойылатын сұрақтар