Өлең, жыр, ақындар

Қажығалиға

  • 27.04.2019
  • 0
  • 0
  • 3414
Өзің айтшы, сыншым менің қырағы,
Суға тойған қашан шөлдің мұрабы?!
Он қызы бар ата-анаға, білесің,
Қай кезде де бір ұл жетпей тұрады.
Байи беру болса адамның ұраны,
Оны тірлік түзу жолдан бұрады.
Бір дачасы бар адамға қашанда
Бір машина жетпейді де тұрады.
Малы көпке,
Еске сақта, шырағым,
Шөп болмайды шүкірліктің құрағы.
Қанша өссе де,
Мансап қуған адамға
Бір секіру жетпейді де тұрады.
Ырық бермес көңілдің көк пырағы.
Жақсы арманның жақынынан жырағы.
Тойда қанша тойғанменен
Ішкенге
Бір жүз грамм жетпейді де тұрады.
Өзің айтшы, сыншым менің, қырағы
Майға қашан тойған үйдің шырағы?!
...Бәрін, бәрін,
Бәрін алған адамға
Ә-әй, бірдеңе жетпейді де тұрады!



Пікірлер (0)

Пікір қалдырыңыз

Құрметтесең ата-баба мұрасын

  • 0
  • 0

Құрметтесең ата-баба мұрасын,
Қазақтардан табылады жыр асыл.
Сол асылға қосасың да бір асыл,
Үлкендерден бата тілеп тұрасың.

Толық

Жарық

  • 0
  • 0

Қадіріңді білмейді екем, нұрлы күн,
Қараң қалып мұхиттарым,
Құрлығым,
Жатып едім бір күн көзім ауырып,

Толық

Наубай

  • 0
  • 0

Наубай жұмыс істейді
Жатқаныңда ұйықтап.
Ақ қалпағы түспейді
Баса киген миықтап.

Толық

Қарап көріңіз