Қадыр Мырза Әли

Пенделік

Бұл бетте «Пенделік» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.04.2019
0
0
5977

Пенделік-ай, пенделік-ай, пенделік!
Он жыл бойы жатса сырқат емделіп,
Көтере алмай тұмауды да,
Дейміз-ау
Осы саулық саулық па екен мендегі!
Пенделік-ай! Пенделік-ай! Пенделік!
Баспанасыз жүрсе біреу сенделіп,
Жылаймыз-ау үш бөлмені қомсынып,
Пәтер емес — құжыра деп мендегі.
Пенделік-ай! Пенделік-ай! Пенделік!
Ағай анау сорлап жүрсе жеңге өліп...
Күйінеміз көтере алмай бір сөзін,
Әйел емес — айдаһар деп мендегі!
Пенделік-ай! Пенделік-ай! Пенделік!

Қадыр Мырза Әли пенде пенделік Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар