Өлең, жыр, ақындар

Адасатын, орман түгіл, картада

  • 27.04.2019
  • 0
  • 0
  • 1893
Адасатын, орман түгіл, картада
Бар керемет ақыл-ойға «мәрт» аға.
Ол қарсы емес күнде сабақ беруге
Платонды отырғызып партаға.
Сәл-сәл тізгін тисе болды наданға,
Сол болады көкең де һәм дадаң да.
Жоғарыдан қарайды ол
Өзінен
Әлдеқайда биік тұрған адамға!
Көр-кеуделер мініп алып жыр-атқа,
Титықтатып өлтіреді-ау жырақта.
Кейде жастар үйренеді олардан,
Қалай жазбау керектігін бірақ та.
Икемі жоқ желі менен көгенге,
Икемі жоқ еден менен тегенге
Кейбір қыздар шынымен-ақ сенеді
Сенен асқан әдемі жоқ дегенге!
Кейбір жеңгей кіріп жүріп әр үйге,
Тасиды өсек,
Ұстамайды әрі ине.
Ондайлардың дәнсіз кеуек басынан
Қолы қымбат... (алтын толы, әрине?)
Адамдарды осындайға қимаймын.
Ашу кернеп,
Арна-сайға сыймаймын.
Ақырында
Бәрін мұң ғып — көзіме,
Мысқыл қылып — миығыма жинаймын!



Пікірлер (0)

Пікір қалдырыңыз

Шабыт

  • 0
  • 0

Салауат деп,
Дұға оқып өткендерге,
Жасарады дүние көктемдерде.
Шабыт керек сол кезде,

Толық

Туған жер

  • 0
  • 11

Тыртығы бар тарихтың денесінде
Туған жердің ырқына көнесің де.
Көне етіктің ұлтанын жұлып алар
Көктемдегі көк сазың әлі есімде.

Толық

Кейде ширап

  • 0
  • 0

Кейде ширап,
Кейде жүндей түтіліп,
Кейде ұтып,
Кейде мықтап ұтылып,

Толық

Қарап көріңіз