Өлең, жыр, ақындар

Бізді неге бұрынғыдай жаз айы

  • 29.04.2019
  • 0
  • 0
  • 2125
Бізді неге бұрынғыдай жаз айы
Бейішімен қуантпайды ғажайып?!
Ертеңіңнің мүмкіндігі көбейіп,
Ертегілер кеткен жоқ па азайып?!
Неге төмен қарияның ақ басы?!
Неге жабық ақ ниеттің қақпасы?
Жақсы-жақсы қасиетін
Жігіттер
Жоғалтуға жақын жүрген жоқ па осы?!
Келген кезде біреу саған еңіреп,
Көңіл неге бола алмайды кеңірек?!
Ел тұрғанда,
Жер тұрғанда
Ойлайсың
Қара бастың қамын неге көбірек?!
Оңбағанда кеткенменен бір кегі,
Ойлы жандар сөзін неге іркеді?
Бізді көрсе,
Орман неге шуылдап,
Бізді көрсе,
Аңдар неге үркеді?!
Бола алмаймыз бұдан неге жақсырақ?!
Жақсылыққа қарамашы жатсырап.
Неге жалғыз сен дұрыс та,
Жұрт бұрыс?!
Неге? Неге?
Неге? Неге?..—
Көп сұрақ.
Кейбіреудің неге суық жүрегі?—
Қойнымызға жылан болып кіреді.
Жауын-шашын алдындағы құстардай
Неге менің мазам кетіп жүреді?!



Пікірлер (0)

Пікір қалдырыңыз

Алпыс

  • 0
  • 0

Амалсыздан көнеді адам болмысқа.
Алты қырдан асқаннан соң —
Жол қысқа.
Ал сен болсаң жиырмадасың,

Толық

Жел

  • 0
  • 1

Өскен бірге далада
Таптырмай дос-адасы,
Жүрді шулы қалада
Жаздың желі адасып.

Толық

Септеу

  • 0
  • 0

Барлығыңа үлгі болар, қарақтар,
Байсалды да, ақылды да Марат бар.
Жеке басым ең алдымен, Мараттың
Жасы үлкенді сыйлағанын жараттым.

Толық

Қарап көріңіз