Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бұған құлақ түрмеген түбі арандар

Қадыр Мырза Әли

Бұған құлақ түрмеген түбі арандар

  • 29.04.2019
  • 0
  • 0
  • 3290
Бұған құлақ түрмеген түбі арандар,
Тыныштыққа шақырған бір ұран бар.
Сабыр бітіп,
Соғыстан әмір күтіп,
Құлақтарын созады зымырандар.
Қалай ғана қайғырып қамықпайық!
Календарьдың кез келген қауіпті айы,
Кемелердің ұшырмақ күлін көкке
Көрінбейтін көздерге балық-қайық.
Бір пәлені бастаса әулекілер,
Бұзығы үшін өзінің елі өкінер.
Сырымызды сығалап көрмек болып,
Шекараны сүзіп жүр «У — 2» лер.
Бейбіт күнге адамбыз ғашық тегіс,
Ақырзаман ауылы қашық деңіз.
Бірақ кейде бұлттанып ашық аспан,
Дөңбекшиді ұйқысы қашып теңіз.

соғыс Қадыр Мырза Әли бұған құлақ түрмеген түбі арандар Қадыр Мырза Әли өлеңдері

Пікірлер (0)

Пікір қалдырыңыз

Ауылдағы алғашқы күн

  • 0
  • 1

Туған жерде бақыт деген бар құсың.
Туған жерсіз — бейшарасың,
Жарлысың.
Аңсаудайын аңсап келдім алыстан.

Толық

Туған жер

  • 0
  • 13

Тыртығы бар тарихтың денесінде
Туған жердің ырқына көнесің де.
Көне етіктің ұлтанын жұлып алар
Көктемдегі көк сазың әлі есімде.

Толық

Қайран менің қызғалдақты көктемім

  • 0
  • 0

Қайран менің қызғалдақты көктемім!
Қалай сені беріп қойғам теп-тегін?!
А-ха-хамен,
О-хо-хомен жүргенде

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер