Корейская косметика премиум класса

Ауылдағы алғашқы күн

  • admin
  • 29.04.2019
  • 0
  • 1
  • 3236
Туған жерде бақыт деген бар құсың.
Туған жерсіз — бейшарасың,
Жарлысың.
Аңсаудайын аңсап келдім алыстан.
Ауыл-ана,
Аманбысың,
Армысың?!
Білесіңдер парыз барын,
Іс барын.
Менің нағыз жұмыс басты тұстарым.
Мен жоқ кезде талай келін түсіпті.
Құтты болсын!
Құтты болсын құстарың!
Бірін үзіп тақпақ болған жұлдыздың
Жыр-әлемде жеңіл емес мұң біздің.
Иә, айтпақшы,
Берік болсын баулары
Мен жоқ кезде туған талай ұл-қыздың!
Ерте кеткен азаматтың талайын
Жоқтайын да,
Естеріңе салайын.
Қақ төрінен орын алсын бейіштің
О дүниеге сапар шеккен ағайын!
Жабықпайық бірақ аңсап келгенде.
Жұтамайтын сағыныш бар, Ел, менде.
Жұма күні
Орынына аяттың
Жыр оқиын,
Тие берсін өлгенге!
Қай кезде де ұл мен қызға жарығыр
Құшағында ұстайды ұзақ кәрі қыр...
Қойыңыздар бүгін төсек салмай-ақ,
Қуаныштан көз ілмеймін бәрібір!


Сахара

  • 0
  • 0

О, қазақтың сәулетті сахарасы!
Қайда мені жетектеп апарасың?!
Қандай мықты береді ажыратып
Құдірет пен Даланың екі арасын?!

Толық

Мұғалима

  • 0
  • 1

Мынау менің сезгенім:
Ол — кластың анасы.
Өзінің де,
Өзгенің

Толық

Жаман емес былтырдан биыл күтім

  • 0
  • 0

Жаман емес былтырдан биыл күтім,
Жұлдыз-қыз боп жігітке қиылды түн
Ренжитін түк те жоқ, бір қарасаң,
Ішіп-жейтін тамақ көп,

Толық

Қарап көріңіз


×