Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Сенбілік

Қадыр Мырза Әли

Сенбілік

  • 29.04.2019
  • 0
  • 0
  • 4197
Құрыстаған қыр-дала
Қарын сілкіп тастады.
Сыпырғыш пен тырмалар
Сенбілігін бастады.
Күлімсіреп күн тұрды,
Нұрға бөлеп үйімді.
Жапырақтар былтырғы
Бір төбе боп үйілді.
Сайрап көктем құстары,
Мәз боп қалдық біз енді.
Шоқтығынан қысқарып,
Алма ағаштар күзелді.
Ақ қайың да, терек те
Бұтақтарын екшепті.
Тамызыққа керек деп,
Бөлек жидық шөпшекті.
Түптеп бұта-бұтаны,
Бөлдік істі тарауға.
Дымқыл қоқыс тұтанып,
Түтіндеді әр аула.
Сияқты бір ертегі
Сәуірдің бұл жоқ теңі.
Жатты солай өртеніп
Өткен жылдың көктемі.

Қадыр Мырза Әли сенбілік Қадыр Мырза Әли өлеңдері

Пікірлер (0)

Пікір қалдырыңыз

Не боларын кім біледі түбінде

  • 0
  • 0

Не боларын кім біледі түбінде,
Әлдеқайда жеңілдеді жүгің де!
Қол еңбегін жұмысшы мен шаруаның
Техника тартып алды бүгінде.

Толық

Аурудың аты

  • 0
  • 0

Береке кетіріп,
Ауырдым өтірік.
Апам да,
Атам да,

Толық

Тойымсыздық

  • 0
  • 1

Тойымсыздық,
Уайымсыздық —
Қайғы анық.
Бірақ мұны ұға бермес бай халық.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер