Кеңес

Әзіл

Жұлдызым боп жанса шындық төбемде,
Өтіріктің шылымын мен шегем бе?!
Сұлуларға әдемісің демесең,
Селт етпейді ақылдысың дегенге!
Сөз тұрғанда қару деген қару ма!
Сөз тұрғанда дару деген дару ма!
Сиықсыздау болғанменен,
Сондықтан
Сұлусың деп айттым талай аруға!
Айналайын, біздерге ұят келтірме:
Ауыр сөзбен айнаштарды өлтірме.
Сұлу десең,
Дүниені ұмытады,
Қыздар түгіл,
Кәрі мыстан кемпір де!

---