Өлең, жыр, ақындар

Құрметтесең ата-баба мұрасын

  • 29.04.2019
  • 0
  • 0
  • 7774
Құрметтесең ата-баба мұрасын,
Қазақтардан табылады жыр асыл.
Сол асылға қосасың да бір асыл,
Үлкендерден бата тілеп тұрасың.
Көңіліңе ұйып аппақ сүт есім,
Жабағы ойды жылдар бойы түтесің
Арамнан да бір адалдық,
Әділдік,
Сараңнан да бір жомарттық күтесің.
Ақырында
Көріп тағдыр дүресін,
Жеңіспенен біту керек күресің.
Талай ғасыр қалмай келген пенделік
Түбінде бір қалады деп жүресің.
Тентектердің тоқпақтай ғып шекесін,
Талайлардың танытасың көкесін...
Адам! Адам!
Мынау фәни-жалғанда
Бір жақсылық дәметумен өтесің!


Пікірлер (0)

Пікір қалдырыңыз

Ән-күй мен коньки

  • 0
  • 0

Коньки теуіп жүргенмін,
Қайдам қайтіп көргенін,
Түбіт шәлі басында
Тәтем келді қасыма.

Толық

Күзгі түз

  • 0
  • 2

Ерініне кезерген
ЬІсқырығын қыстырып,
Бас төреші — Жел деген
Тұр төбеде ысқырып.

Толық

Ей, сұлулық, мәңгі күтер сыйымсың

  • 0
  • 0

Ей, сұлулық, мәңгі күтер сыйымсың.
Сол сыйымды көрсін де көз сүйінсін!
Сиқыр-сұлу торыменен шырмаған
Махаббатың сыны сондай қиын сын.

Толық