Өлең, жыр, ақындар

Өтер уақыт

  • 30.04.2019
  • 0
  • 0
  • 13615
Өтер уақыт,
Өтеді гүлді көктем.
Өтеді деп аласың кімді беттен?!
Өтер жастық
Яки өтер жасың
Махаббатты өмірге кіндік еткен
Өтеді уақыт,
Өтеді және жазың
Болады үлкен,
Немесе бала жазым.
Өтер шілдең
Яки жігіттіктің
Отырасың шығарып жаназасын.
Өтеді уақыт,
Өтеді қоңыр күзің.
Тағдырдың да татасың не бір тұзын.
Өтіп қазан,
Қарашаң,
Өтіп бәрі,
Қысқартасың ақырын өмірді ұзын.
Өтеді уақыт зымырап,
Өтер қысың.
Пыр етіп бір ұшар да кетер құсың.
Біле тұра уақыттың баянсызын,
Өзіңе өзін жасайсың бекер қысым!
Қалар артта бесік жыр,
Бесік-үйің,
Есіл туыс,
Есіл жұрт,
Есіл бұйым.
Жылдар өтсе мейлі ғой,
Өте берсін!
Сәттер өтіп барады,
Осы қиын!



Пікірлер (0)

Пікір қалдырыңыз

Жұмекенге

  • 0
  • 0

Өкпе айтпайсың өмірге,
Асқазанға,
Тағдыр атты өрілген таспа заңға.
Аздап-аздап ұқсайсың өзіңе-өзің,

Толық

Теріс тірлік

  • 0
  • 2

Тауысып барлық амалды,
Күрсініп ғалым дем алды.
Мақалдың кебі сотталды,
Эпостың көбі қамалды.

Толық

Қалтырауық

  • 0
  • 0

Ашық аспан, таза ауа,
Айнала қар етектен.
Екі бала түс ауа
Оралды үйге мектептен,

Толық

Қарап көріңіз