Қадыр Мырза Әли

Барар жолда

Бұл бетте «Барар жолда» атты Қадыр Мырза Әли жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.04.2019
0
0
4677

Барар жолда,
Жетер жолда мақсатқа
Ие болу оңай емес жақсы атқа.
Шалды біреу, талай шалды аяқтан,
Бірақ, бірақ көрген жоқпын кек сақтап.
Бірі биік,
Бірі олардың жатаған.
Түсін түстеп,
Аты-жөнін атаман.
Бірін мінеп,
Бірін сынап,
Өмірде
Дәрменсізді мұқатқанда не табам?!
Жақсылардың бәрі шырақ,
Бәрі шам.
Зұлым жүрек шығара алмас дұрыс ән.
Біреу мені өшіруге тырысса,
Оны да мен кешіруге тырысам.
Тауып берер дарынсыздың жоғын кім?!
Басады әлі ондайлардың көбін құм.
Қызғаныштың құлы болса біреулер,
Патшасымын мен қашанда кегімнің!

Қадыр Мырза Әли жол өмір барар жолда Қадыр Мырза Әли өлеңдері

Пікірлер (0)

Пікір қалдырыңыз

Жиі қойылатын сұрақтар