Гүлманат Әуелхан

Күз жылайды төгілтіп жапырағын

Бұл бетте «Күз жылайды төгілтіп жапырағын» атты Гүлманат Әуелхан жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

03.02.2021
0
0
877

Шырқамақ боп тірліктің батыл әнін,
Өксік толып көмейге аһ ұрамын.
Артта қалған жылдарға жоқтау айтып,
Күз жылайды төгілтіп жапырағын...
Күннің жарық нұрынан қуат дарып,
Түн жатады жұлдыздан шуақ тамып.
Жалған намыс,атақты тәрк еттікте,
Бойда жалғыз "Сенімді" құлатпадық.
Толғанбадық ел жайлі өте бердік,
Бұл далада көп аңыз,жетеді ерлік.
Біз ғұмырдың бүктеп ап күз,көктемін,
Мезгілдерге сый қылып кете бердік.
Арзан атақ,асқынып сасық даңық,
Қайда кетіп барасың ғасыр лағып.
Тіл астында тұншыққан бар шындықты,
Күй толы көкіректен жасырмадық...
03.09.2018

Гүлманат Әуелхан күз жылайды төгілтіп жапырағын... Гүлманат Әуелхан өлеңдері

Пікірлер (0)

Пікір қалдырыңыз

Жиі қойылатын сұрақтар