Өлең, жыр, ақындар

Адам мынау үйренген соң тұрмысқа

  • 30.04.2019
  • 0
  • 0
  • 2269
Адам мынау үйренген соң тұрмысқа,
Алдына оның түсе алмайды құмырсқа,
Ал бөлгенде сол еңбектің жемісін,
Артық алсам дейді пенде бір мысқал.
Алыспен де,
Жақынмен де арбасып,
Өгізі өліп,
Сынар сосын арбасы...
Артық емес,
Бірақ бақыт балынан
Артық татсам деп тұрады бір қасық.
Адам және қанша сарай тұрғызды?!
Сол сарайға қанша аруды кіргізді?!
Артық емес,
Адам бірақ өмірде
Артық сүйсем деп тұрады бір қызды,
Айналайын, болса мұндай сенде мін,
Ауру жандай өзіңді-өзің емдегін!
Кімсің дерсің ақыл айтқыш,
Сынағыш?
Кім болушы ем,
Мен де өзіңдей пендемін!



Пікірлер (0)

Пікір қалдырыңыз

Ақсуат

  • 1
  • 6

Көріп жүрген далаңыз — Ақсуаттың даласы,
Көріп жүрген ауаңыз — Ақсуаттың ауасы.
Көріп жүрген таңыңыз — Ақсуаттың таңы да,
Көріп жүрген шаңыңыз — Ақсуаттың шаңы да.

Толық

Шығарған кім?

  • 0
  • 0

Бір кенеп ап тамағын,
Бастады ағай сабағын.
Есебімді көрді де,
Шыта қойды қабағын.

Толық

Не ұтып, неден ұтылдым?

  • 0
  • 0

Айтып көрді жалынып,
Қорқытты да,
Қоймадым.
Асыққа бір салынып,

Толық

Қарап көріңіз