Өлең, жыр, ақындар

Неге керек жалған сөз

  • 30.04.2019
  • 0
  • 0
  • 3140
Неге керек жалған сөз,
Өтірік сын!
Қиындықты жолдағы опырыпсың.
Абыройлы,
Құрметті
Қолайлы да
Креслоға сен бүгін отырыпсың.
Болмағанмен дәл қазір өзіңде мін,
Болушы едің, ойлашы, кезінде кім?!
Көңіліңе келмесін енді сенің
Әзіл-шыны аралас сөзім менің.
Қадірлі ғой жігіттер жақсы атпенен,
Жақсылықты жырлап мен қақсап келем.
Ғылым қумай, бауырым, басқа қудың,
Не істесең де істеуші ең мақсатпенен.
Емес едің сен біздей дала кезбе,
Болмаушы едің ешкіммен ала көз де.
Шкафтағы тәттіні алу үшін
Орындыққа шығушы ең бала кезде.
Бақыт шіркін келмейді тегін ерге.
Жүлде керек жүйрікке емінерге.
Тағы неге қол создың?—
Креслоның
Орындықпен емес пе тегі бірге?!



Пікірлер (0)

Пікір қалдырыңыз

Қайран менің қызғалдақты көктемім

  • 0
  • 0

Қайран менің қызғалдақты көктемім!
Қалай сені беріп қойғам теп-тегін?!
А-ха-хамен,
О-хо-хомен жүргенде

Толық

Тіршіліктің кәдімгі мәнісі оңбай

  • 0
  • 0

Тіршіліктің кәдімгі мәнісі оңбай,
Кейде адамның болады халы сондай:
Мен бір жаққа тартамын
Ол бір жаққа,

Толық

Жарқыратып шыққанда нұр маңдайын

  • 0
  • 0

Жарқыратып шыққанда нұр маңдайын,
Қызығына әр күннің бір қанбаймын.
Көрінеді көктемде
Көз алдыңда

Толық

Қарап көріңіз