аға, тәрбие, өнеге туралы мақал-мәтел

Еңкейгенге еңкей, Атаңның қара құлы емес. Шалқайғанға шалқай, Пайғамбардың ұлы емес.

тәрбие, өнеге

Балаңды бес жасқа дейін патшаңдай күт Бес жастан он бес жасқа дейін құлыңдай жұмса Он бес жастан асқан соң досыңдай сырлас

қазақ мақалы, бала тәрбиесі

Ағайын тату болса – ат көп, Абысын тату болса – ас көп.

ағайын, ынтымақ

Аға әдепті болса, іні әдепті, Апа әдепті болса, сіңлі әдепті.

әдеп, тәрбие

Асық ойнаған азар, Доп ойнаған тозар, Бәрінен де қой бағып, Қозы өсірген озар.

тәрбие, өнеге

Жалғыз ағаш орман болмас, Жалғыз кірпіш қорған болмас.

жалғыз, жалғыздық

Ата-ананың қадірін Балалы болғанда білерсің; Ағайынның қадірін Жалалы болғанда білерсің.

ата-ана, бала

Інісі бардың тынысы бар, Ағасы бардың жағасы бар.

іні, аға