Мақал-мәтелдер

Ағаш тамырымен мықты,
Адам дос-жарымен мықты.

Ілмектер: адам, дос

---

---

Алтын тыққан адам арықтап өлер.

Ілмектер: алтын, адам

---

---

Адамды қабағынан,
Аспазды тамағынан таниды.

Ілмектер: адам

---

---

Екі жүзді пышақтан сақтанба,
Екі жүзді адамнан сақтан!

Ілмектер: адам

---

---

Ілекер күркені құйын бұзады,
Қыңыр адам жиын бұзады.

Ілмектер: адам

---

---

Қайырымды адамды
Халық қадірлейді.
Қайырымсыз наданды
Қайдан жаратты тәңір дейді?!

Ілмектер: адам

---

---

Адам — дүниенің ажары,
Дүние — өмірдің базары.

Ілмектер: адам, дүние

---

---

Қайғы басқан кісіге
Мамық төсек таспен тең.
Қайғысы жоқ кісіге
Екі аяғы атпен тең.

Ілмектер: қайғы, кісі, адам

---

---

Адам болар жігіттің
Жары өзіне ылайық.
Керуен бастар жігіттің
Нары өзіне ылайық.

Ілмектер: жігіт, адам

---

---

Қауызында дәні жоқ,
Сабан мінезді адам болады.
Қорсылдаса көңілі тоқ
Қабан мінезді адам болады.

Ілмектер: адам, мінез

---

---

Адамды түсіне қарап таныма,
Істеген ісіне қарап таны.

Ілмектер: адам, іс

---

---

Он адам жүрген жерде із қалады,
Жүз адам жүрген жерде — соқпақ,
Мың адам жүрген жерде жол қалады.

Ілмектер: адам

---

---

Балық бастан бұзылады,
Сараң астан бұзылады.

Ілмектер: сараң, адам

---

---

Келбеті келгеннен
Кеңес сұра.

Ілмектер: кеңес, адам

---

---

Ақшаның жайын жарлыдан сұра,
Адамның жайын арлыдан сұра.

Ілмектер: адам, ақша

---

---

Ағаш қисығын тез түзетер,
Адам қисығын көр түзетер.

Ілмектер: адам

---

---

Күншіл адам — міншіл.

Ілмектер: адам

---

---

Жаман адам
Құлқынның қара қабы.
Жақсы адам
Адалдықтың алтын тағы.

Ілмектер: жақсы, жаман, адам

---

---

Жаманға еткен жақсылығың
Жатқа кеткен малмен тең.
Адамға қылған жақсылығың
Арнап бір берген нармен тең.

Ілмектер: адам, жаман

---

---

Қайғысыз адам болмайды,
Қапысыз қадам болмайды.

Ілмектер: адам, қайғы

---

---