Мақал-мәтелдер

Ақшаның жайын жарлыдан сұра,
Адамның жайын арлыдан сұра.

Ілмектер: адам, ақша

---

---

Ағаш қисығын тез түзетер,
Адам қисығын көр түзетер.

Ілмектер: адам

---

---

Күншіл адам — міншіл.

Ілмектер: адам

---

---

Жаман адам
Құлқынның қара қабы.
Жақсы адам
Адалдықтың алтын тағы.

Ілмектер: жақсы, жаман, адам

---

---

Жаманға еткен жақсылығың
Жатқа кеткен малмен тең.
Адамға қылған жақсылығың
Арнап бір берген нармен тең.

Ілмектер: адам, жаман

---

---

Қайғысыз адам болмайды,
Қапысыз қадам болмайды.

Ілмектер: адам, қайғы

---

---

Базарда мың адам бар,
Әркім сүйгеніне сәлем береді.

Ілмектер: адам

---

---

Алтын отта сыналар,
Адам жоқта сыналар.

Ілмектер: адам, алтын

---

---

Сақының сақылығын
Сараңды көрсең білерсің.
Адалдың адалдығын
Арамды көрсең білерсің.

Ілмектер: адам

---

---

Жаман итті еркелетсең,
Аузыңды жалар.
Жаман адамды еркелетсең,
Жаныңды алар.

Ілмектер: жаман, адам

---

---

Ат жақсысын мақта,
Адам жақсысын жақта.

Ілмектер: адам

---

---

Өнерпаздың қолы игі,
Ұлы адамның жолы игі.

Ілмектер: адам

---

---

Заман қамын ойлаған
Саналықтың белгісі.
Адам қамын ойлаған —
Даналықтың белгісі.

Ілмектер: заман, адам

---

---

Еңбек — адамның көркі,
Адам — заманның көркі.

Ілмектер: еңбек, адам

---

---

Еқбеккердің ұйқысы аз.

Ілмектер: еңбеккер, еңбек

---

---

Дуадақ шөлін мақтайды,
Көкала қаз көлін мақтайды,
Кемеңгер елін мақтайды,
Дихангер жерін мақтайды.

Ілмектер: мақтау

---

---

Түсі игіден түңілме.

Ілмектер: адам

---

---

Болар адам — он бесінде бас болар,
Болмас адам — қырық бесінде жас болар.

Ілмектер: адам

---

---

Адам болатын жігіт:
Әуелі өз нәпсісін билейді,
Сонан соң ауылын билейді,
Сонан соң аймағын билейді.

Ілмектер: адам, жігіт

---

---

Әлсіз адам жағымпаз,
Кербез адам — қырымпаз.

Ілмектер: адам

---

---