Мақал-мәтелдер

Алпыс күн тасыған су,
Алты күнде қайтар.

Ілмектер: су

---

---

Бөдененің үйі жоқ,
Қайда барса бытпылдақ.

Ілмектер: құс, бөдене

---

---

Су аққан жерінен ағар,
Шөп шыққан жеріне шығар.

Ілмектер: су, жер, шөп

---

---

Қараша-қауыс,
Кәрі құртаңды тауыс.

Ілмектер: қараша, ай

---

---

Сәуір болмай, тәуір болмас,
Ит балалап сауын болмас.

Ілмектер: сәуір, ай

---

---

Сәуірдегі жауын —
Сауып тұрған сауын.

Ілмектер: сәуір, жауын

---

---

Түз тағысы —
Табиғатпен тілдес.

Ілмектер: табиғат

---

---

Жеті қарақшыны таныған адам,
Жеті қараңғы түнде адаспайды.

Ілмектер: жұлдыз, жеті қарақшы

---

---

Сәуір болмай жауын болмас,
Жауын болмай тәуір болмас.

Ілмектер: сәуір, жаңбыр

---

---

Арқар —
Құлжасымен,
Өзен —
Жылғасымен.

Ілмектер: өзен

---

---

Науырыз айы:
Түске дейін мүйіз,
Түстен кейін киіз.

Ілмектер: наурыз, ай

---

---

Құс патшасы — бүркіт,
Аң патшасы — арыстан.

Ілмектер: аң, құс

---

---

Үркер үйден көрінсе,
Үш ай тоқсан қысың бар.
Үркер іңірде жанбасқа келсе,
Жаз шықпаған несі бар?!

Ілмектер: ай, жаз

---

---

Ай бетінде де дақ бар.

Ілмектер: байлық, кедейлік

---

---

Тышқан көп жылы —
Тоқшылық,
Қоян көп жылы —
Жоқшылық.

Ілмектер: тоқшылық, жоқшылық, жыл

---

---

Ақпанда күн —
Ат адым ұзарады.

Ілмектер: күн, ақпан

---

---

Көшерімді жел білсін,
Қонарымды сай білсін.

Ілмектер: жел, сай

---

---

Сұңқар орманға тартар,
Тұлпар қорғанға тартар.

Ілмектер: аңшылық, саятшылық

---

---

Құстың бәрі сұңқар болмас,
Аттың бәрі тұлпар болмас.

Ілмектер: аңшылық, саятшылық

---

---

Құс бағу да бір қызық,
Құс салу да бір қызық.

Ілмектер: аңшылық, саятшылық

---

---