Мақал-мәтелдер

Жаман жігіт той бұзады,
Жаман әйел үй бұзады.

Ілмектер: жаман

---

---

Тегі жаман тойда тонын сұрар.

Ілмектер: жаман

---

---

Жаманға сырыңды айтпа,
Сырыңды айтсаң да, шыныңды айтпа.

Ілмектер: жаман, сыр

---

---

Шығысы жаман қамысты
Су ішінен өрт шалар.
Бейілі жаман адамды
Түйе үстінен ит қабар.

Ілмектер: жаман

---

---

Жанбаса — отын жаман,
Жаға алмаса — қатын жаман.
Қараспаса — жақын жаман,
Жау алмаса — батыр жаман.

Ілмектер: жаман

---

---

Өкпеден соққан жел жаман,
Елінен безген ер жаман.
Елге сыймас кер жаман,
Егінсіз болса жер жаман.

Ілмектер: жаман

---

---

Жаман қатын байына
Жалғыз атын сойғызар.
Жақсы қатын жолдасын
Жоқтан құрап тойғызар.

Ілмектер: жақсы, жаман

---

---

Жаманның айтқаны келмейді,
Сандырақтағаны келеді.

Ілмектер: жаман

---

---

Қас жаман
Қасындағысын қарақтайды.

Ілмектер: жаман

---

---

Жаманның үсті су болса,
Кеппестей көрер;
Жаман адамға мал бітсе,
Кетпестей көрер.

Ілмектер: жаман, мал

---

---

Жаман өкпелеймін деп
Сыбағасынан құр қалады.

Ілмектер: жаман, өкпелеу

---

---

Арыстан асқынса — айға шабар,
Ақымақ асқынса — анасын сабар.

Ілмектер: ақымақ, мінез-құлық

---

---

Жаман адам өзі бола алмайды,
Болғанды көре алмайды.

Ілмектер: жаман, көре алмаушылық

---

---

Жаманның аттан құлағаны да жаман.

Ілмектер: жаман

---

---

Қайта жауған қар жаман,
Қайта шапқан жау жаман.

Ілмектер: жаман, жау

---

---

Жаманның ойыны жаман
Шошқаның мойыны жаман.

Ілмектер: жаман

---

---

Тақыр жерге су төксең,
Жүруге тайғақ болар.
Жаманға сырыңды айтсаң,
Тар жерде айғақ болар.

Ілмектер: жаман, сыр

---

---

Үндемес ауызда пәле бар,
Екі ұртында шала бар.

Ілмектер: үндемес, мінез-құлық

---

---

Бейілі жаман кісіден көшеді,
Өз асын өзі жасырып ішеді.

Ілмектер: жаман, мінез-құлық

---

---

Жаман өзен өткел бермес,
Жаман кісі көпке ермес.

Ілмектер: жаман

---

---