Өлең, жыр, ақындар

Мақал-мәтелдер

Аққу айдынын аңсайды,
Адам туған жерін аңсайды.

Ілмектер: адам, туған жер, аққу

Бақа көлін сүйеді,
Бұлдырық шөлін сүйеді,
Ер жігіт елін сүйеді.

Ілмектер: ер жігіт, сүю

Адам елінде көгерер,
Қоға көлінде көгерер.

Ілмектер: адам, ел, көл

Ел қадірін көрген біледі,
Жер қадірін жүрген біледі.

Ілмектер: қадір, ел, жер

Туған жер - тұғырың,
Туған ел - қыдырың.

Ілмектер: жер, ел

Татулық - табылмас бақыт.

Ілмектер: татулық, бақыт

Келісіп пішкен тон келте болмас.

Ілмектер: келісу

Кешірім - ізгіліктің белгісі.

Ілмектер: кешірім, ізгілік

Өзгеге жасаған ізетің - өзіңе жасаған құрметің.

Ілмектер: ізет, құрмет

Ұстазы жақсының, ұстамы жақсы.

Ілмектер: ұстаз, ұстам

Жақсылыққа жақсылық - әр кісінің ісі дүр,
Жамандыққа жақсылық - ер кісінің ісі дүр.

Ілмектер: ер, жақсылық, жамандық

Жақсылық ағаш басында, жамандық аяқ астында.

Ілмектер: жақсылық, жамандық

Жақсының өзі өлгенмен, сөзі өлмейді.

Ілмектер: жақсы, сөз

Жақсының қадірі өлгенде білінер,
Жақсы аттың қадірі мінгенде білінер.

Ілмектер: жақсы, төрт түлік мал

Жақсының жүрген жері - базар,
Жаманның жүрген жері - азар.

Ілмектер: жақсы, жаман

Жақсының жаты болмайды,
Жаманның ұяты болмайды.

Ілмектер: жақсы, жаман, ұят

Жақсының жаны - жаннат.

Ілмектер: жақсы, жан, жаннат

Жақсыны сыйласаң есінен кетпейді,
Жаманды сыйласаң есігіңнен кетпейді.

Ілмектер: жақсы, жаман, сыйластық

Жақсыны жаман десең, аққудай мойнын созады,
Жаманды жаман десең, аяғынан тозады.

Ілмектер: жақсы, жаман

Жақсы өзін қосып сөйлейді,
Жаман босқа бөсіп сөйлейді.

Ілмектер: жақсы, жаман