Ардагерлер
Ардагерлер сіздерге ізет, құрмет,
Ерліктерің бойыма жігер берет.
Қайтпас қайсар, батырлар, ардақтылар,
Асқар таудай, алыптар, нар тұлғалар.
Ер қазағым
Найзасы найзағайдай от шашатын,
Қорғаған елін, жерін ер қазағым.
Байрағы көк аспанда желбіреген,
Елдігін жауға бермес ер қазағым.
Күзбен сырласу
Күз келіп сарғайыпты жапырақтар,
Оранып сары кілем жасыл бақтар.
Тамыздың тамылжыған соңғы күні,
Естіліп қоңыр күрең күздің үні.
Студенттік шақ
Студенттік деген ғажап шақ,
Қадірін біліп, ұға алсақ.
Көңілің жайнап көктемдей,
Алып ұшып кеткендей.
Біріңе қазақ
Біріңе қазақ жау болма,
Дұшпаның алар алқымнан.
Бірлігің болса мызғымас,
Жаратқан өзі жар болған.
Көк байрақ
Байрағымыз көк аспанда желбіресін,
Байтақ жерім, құт мекенім, елім десін.
Қазағыма ырыс қонған заманда бұл,
Бақ береке үйімізден үзілмесін.
Қазақ рухы
Әгәрәки Абылай деп, жауларына ұмтылған,
Алаш, алаш, алаш десе тау көшкендей рухынан.
Қазағымның қанында бар көк түркінің әруағы,
Зар заманда, бұл заманда ел жұртымды қолдады.
Бабалар арманы
Егемен ел болуды аңсап бабам,
Жауларын жерімізге жолатпаған.
Көзінің қарасындай қорғаштаған,
Ұрпаққа ұлан ғайыр жер қалдырған.
Ғажап тілім
Тілім десе жүрегім тілімделіп тілінген,
Тілім менің тірегім сүйенішім сүйенген.
Тілім барда жалғанда жалықпаймын сүруден,
Тілім барда тірліктің оты өшіп, сөнбеген.
Пікірлер
-
Айым
Кушты -
амина к
өлең керемет -
амина к
Өлең тамаша
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі