"Адам өмірі" туралы Ұлағатты сөздер

"Адам өмірі" туралы ұлағатты сөздер жинағы. Бұл бөлімде Адам өмірі туралы қызықты деректер, танымдық мақалалар мен пайдалы мәліметтер жинақталған.

Атақ, бақ та қолға салған сақина тәрізді, қанша асыл болғанмен түбі тозады.

Тақтағы хан да, алтын табақтағы жылан да бір. Тием дегенді шағып алуға тиісті.

Адамның бағы көтерілген сайын, жауы да көбейеді.

Ажалсыз - аждаһанның аузынан құтылады.

Егер ажалың келсе, алтын сандық ішінде тығылып жатсаң да, табады. Ажалың келмесе, жаңбырлап оқ атса да аман қаласың.

Адамның қасы - арам шөп тәрізді. Отаған сайын қаулай түседі.

Жылан шаққан адам ала жіпті аттауға қорқады.

Жақсылыққа жақсылық - әр кісінің ісі,
Жамандыққа жақсылық нар кісінің ісі.

Табалдырықтан биік тау жоқ,
Жаман ағайыннан асқан жау жоқ.

Асқақтама аспаққа асыласың
Артта қалма аяққа басыласың
Орта жүрсең бәйгеге қосыласың.

Орындалған ұсақ мақсаттан, орындалмаса да биік мақсат артық қой қашанда.
Гете

Шектелу - өз бойыңдағы бар күш-қуатыңды бір нүктеге қадау.
Эдуард Бекер

Құдыққа тас тастаған адам ол түбіне жетіп даусы естілгенше қарап тұрады. Сол секілді сені сөккен адамның көбісі жауабыңды күтеді. Ұстамдылықпен көркем мінез таныт. Өткізіп жібер. Құдық түпсіз екен деп ойласын.

• Шәкәрім Құдайбердіұлы

Сен жақсылықты жамандықтан жасауың керек, өйткені оны жасайтын басқа ештеңе жоқ.
Роберт Пенн Уоренн

Жер бетінде бақытсыздықтан басқа толық жүзеге асатын ештеңе жоқ.
Анора де Бальзак

Сенім жоқ жерде - ізгілік те жоқ.
Достоевский

Қиянат жасаудың мың түрі бар, ал қиянат жасамаудың түрі біреу-ақ, ол- тек қиянат жасамау.


Жаман деп жүргенімізді жақсы деуге батылымыз жеткен күні, біздің өмірімізде ұлы кезеңдер басталады.
Ф. Ницше

Адамдар ең көп азапты қарапайым ақиқатты елемегеннен шегеді.
Ф. Ницше

Бостандық деген не? - Ар-ұяттың тазалығы.
Периандр Коринфский

Өмір деген қашан да - кеменің апаты.
Х. Ортеге-и-Гассет

Ілмектер: Адам өмірі, тағдыр, шет ел әдебиеті Еңлік Жұмаш

---

Бөлісу

---