Өлеңдер - Bilim

Oral

Бақытты жан құлақ сал тыңда мені,
Естіле ме сезімнің түнгі əуені ?
Сезесің бе көңілдің əуені ғой,
Сенде сезім бола ма түнде əдемі ?

Бұ шаһарда бүгін де, кеше де өнер,
Қызығына тоймайтын көшедегі ел.
Париж халқы қызғанып қалар, бәлкім,
"Әсем қала" - Алматым десем егер.

Жыр тапқаным болмаса осында кеп,
Санама сыймас ойлар басымда көп.
Кең пейілі тарылған тас қалада,
Мына менің, шынында, досым да жоқ.

Жалынға орап жанарымды шырпы мұң!
Жүрегімнен тамған жырды іркідім.
Көздеріңді ақ жауыннан қорғайтын,
Неге сенің бола алмадым кірпігің?!

(Қылығың ерек, былайша дағы),
Сен күліп тұрасың, мұңайса бəрі,
Жанарың бұлақ жасыңа толған,
Көздерің неге жылай салады?