Бал тамған тілден
У да тамар.

Ілмектер: тіл

---

---

Мақтаған жеткізер,
Шаққан өлтірер.

Ілмектер: тіл

---

---

Ат жүйрігі айырады,
Тіл жүйрігі қайырады.

Ілмектер: төрт түлік мал, тіл

---

---

Алажағым кетсе де,
Айташағым кетпесін.

Ілмектер: тіл

---

---

Сүйреңдеген қызыл тіл
Сүйгеніңнен айырар;
Иә жау бетін қайырар.

Ілмектер: тіл

---

---

Тіл — буынсыз,
Ой - түпсіз.

Ілмектер: тіл, ой

---

---

Шебердің қолы — ортақ,
Шешеннің тілі ортақ.

Ілмектер: шебер, тіл

---

---

Тіл тас жарады,
Тас жармаса, бас жарады.

Ілмектер: тіл

---

---

Өнер алды — қызыл тіл.

Ілмектер: өнер, тіл

---

---

Жігітке жеті өнер аз,
Жетпіс өнер көп емес.

Ілмектер: жігіт, өнер

---

---

Өнерлі қол пішуге жақсы,
Өткір қайшы кесуге жақсы.

Ілмектер: өнер, қол өнері

---

---

Шеберді шеге қағысынан таны.

Ілмектер: шебер, өнер, қол өнері

---

---

Шеберді саусағы асырайды.

Ілмектер: шебер, өнер, қол өнері

---

---

Әкемнің өлерін білсем.
Өнерін сатпас па едім.

Ілмектер: әке, өнер, қол өнері

---

---

Зергер — ісмер жезге үйір,
Сыршыл адам сөзге үйір.

Ілмектер: зергер, қол өнері, өнер

---

---

Ұстаның өрісі
Көрігінен төсіне дейін.

Ілмектер: ұста, қол өнері, өнер

---

---

Кілең шебер жиналса,
Істері тез қызады,
Кілең олақ жиналса
Біткен істі бұзады.

Ілмектер: өнер, қол өнері, шебер

---

---

Орман аралаған үйші болар,
Қобыз сыралаған күйші болар.

Ілмектер: қол өнері, өнер

---

---

Шегені қаға білмесең,
Қолыңды ұрасың
Түймені таға білмесең,
Қолыңа ине тығасың.

Ілмектер: өнер, қол өнері

---

---

Сөйлей білмеген,
Сөзді қор етер.
Тіге білмеген,
Бөзді қор етер.

Ілмектер: сөз, өнер, қол өнері

---

---