Дастарханның басында дұшпан да дос.

Ілмектер: дос, дұшпан, дастархан

---

---

Бала — бауыр,
Дос — тамыр.

Ілмектер: бала, дос

---

---

Жаман дос - көлеңке.

Ілмектер: жаман, дос

---

---

Адал еңбек, алғыр ой - анық досың біліп қой.

Ілмектер: адал, еңбек, ой, дос

---

---

Босқа бергенше досқа бер.

Ілмектер: дос

---

---

Доспен дос болғанша шаттан,
Дұшпанмен дос болғаннан сақтан.

Ілмектер: дос, дұшпан

---

---

Дос көбейсе дұшпан аяқ астында.

Ілмектер: дос, дұшпан

---

---

Дос көңіліңді суытып айтады,
Қасың ойыңды жылытып айтады.

Ілмектер: дос, қас

---

---

Жақсы болса алғаның,
Үйіңнен кісі кетпейді.
Жаман болса алғаның,
Шын досың да шеттейді.

Ілмектер: дос, жаман

---

---

Тістем нанның қадірін, тарыққанда білерсің.
Анық достың қадірін, зарыққанда білерсің

Ілмектер: дос, нан

---

---

Достың ескісі,
Тонның жаңасы жақсы.

Ілмектер: дос, жақсы

---

---

Сырласуға дос жақсы,
Сыйласуға жат жақсы.

Ілмектер: жақсы, дос, жат

---

---

Жақсы дос —
Басыңа дос
Жаман дос —
Асыңа дос.

Ілмектер: жақсы, дос

---

---

Достың айнасы — досы.
Қостың айласы — мосы.

Ілмектер: дос

---

---

Опасызбен дос болма,
Еріншекпен қос болма.

Ілмектер: дос, еріншектік

---

---

Той көкпармен қызықты,
Ойын-сауық дос-жарыңмен қызықты.

Ілмектер: той, дос

---

---

Асы бар қазан сүйкімді,
Досы бар адам сүйкімді.

Ілмектер: адам, дос

---

---

Жалған жолдас — көзіңе мақтар,
Сырт айналып, сойылын баптар.

Ілмектер: жолдас, дос

---

---

Жақынға жаны ашымағанның
Бір беті қара,
Жолдасына жаны ашымағанның
Екі беті қара.

Ілмектер: жолдас, дос

---

---

Екі жақсы дос болса,
Бірін бірі қия алмас.
Екі тентек қосылса
Бір шаһарға сыя алмас.

Ілмектер: жақсы, дос, мінез-құлық

---

---