Не еріншек өлер,
Не келіншек өлер.

Ілмектер: еріншек, келіншек

---

---

Күбі де май,
Күбінің түбі де май.

Ілмектер: күбі, май

---

---

Тату үйдің
Табағы салдырламайды.

Ілмектер: үй

---

---

Сараңның етін сасыған соң
Сары күшік жейді.

Ілмектер: сараң, сараңдық

---

---

Сұмырай келсе — су қат.
Ашаршылық келсе — ағайын жат.

Ілмектер: су, ағайын, жат, ашаршылық

---

---

Сараңның асын сары ит ішсін.

Ілмектер: сараң

---

---

Үйлері қоңыр екен деп,
Көп ауылдан кетпеңіз.
Үйі аппақ екен деп,
Оңаша үйге түспеңіз.

Ілмектер: қонақ, үй

---

---

Қожасы жуас үйдің қонағы билейді.

Ілмектер: қонақ, үй

---

---

Үй болған соң,
Шыны-аяқ сылдырламай тұрмайды.

Ілмектер: үй

---

---

Өз ауылымның түтіні түзу шықсын.

Ілмектер: ауыл

---

---

Құм үстінде ине сабақтама,
Түсіп кетсе, табылмас.
Қонар үйді бір күнде адақтама
Қоналқы ертең табылмас.

Ілмектер: қонақ, үй

---

---

Тойлы ауылда тойлап тоймаған,
Ойнап тояды.

Ілмектер: той, ауыл, ойын

---

---

Сыйласайық,
Сырласайық, сыбайлас!
Сыйлы көңіл,
Сыршыл көңіл мұңаймас.

Ілмектер: сыйластық, туыс, ағайын

---

---

Күншіл сорлы көре алмай өледі,
Сараң сорлы бере алмай өледі.

Ілмектер: күншіл, сараң, сараңдық

---

---

Жақсы да болса — өз үйім,
Жаман да болса — өз үйім,
Кең сарайдай боз үйім.

Ілмектер: үй

---

---

Тұзсыз тамақ піссе де,
Тұздықсыз тамақ піспейді.

Ілмектер: ас, тамақ, тұз

---

---

Ағайын бір өліде,
Бір тіріде керек.

Ілмектер: ағайын, туыс

---

---

Әділ айтсаң,
Ағайынға жақпайсың,
Әзіл айтсаң,
Маңайыңа жақпайсың.

Ілмектер: әділ, әзіл, ағайын

---

---

Бедері жоқ қамқадан,
Бек тоқыған бөз жақсы,
Бейкемі жоқ туғаннан
Бек сөйлескен сөз жақсы.

Ілмектер: туыс, ағайын

---

---

Отты үрлей берсең, өшіресің,
Көршіні күндей берсең, көшіресің.

Ілмектер: көрші

---

---