Ақпараттық қауіпсіздік жүйесі цифрландыру дәуіріндегі негізгі мамандық

Мектеп бітіруші әрбір оқушының алдында маңызды қадам тұрады, ол әрине мамандық таңдау. Мен 2017 жылы орта мектепті үздік бітіргеннен кейін болашақ мамандығымды ҚазҰУ университетінен ақпараттық жүйелері факультеті бойынша «Ақпараттық қауіпсіздік жүйесі»мамандығын таңдадым. Осындай маңызды таңдау жасар алдында ең алдымен мамандықтың өзектілігіне мән бердім. Қазіргі ақпараттардың дамыған заманында ақпараттық қауіпсіздік жүйесі сұранысқа ие мамандықтардың бірі екеніне көзімді жеткіздім. Киберқауіпсіздікке үнемі өсіп келе жатқан қатерлердің аясында компаниялар мен ұйымдар өздерінің деректері мен ақпараттық жүйелерінің қауіпсіздігі мен қорғалуын қамтамасыз ете алатын кәсіби мамандарды қажет етеді.

Әл-Фараби атындағы ҚазҰУ университетінде ақпараттық қауіпсіздік жүйесі саласында сапалы білім алуға болады. Бұл мамандық бойынша оқу бағдарламасы студенттерге ақпарат пен деректерді тиімді қорғау үшін қажетті техникалық және практикалық дағдыларды үйретуге арналған. Ақпараттық қауіпсіздік жүйелерін оқитын студенттер ақпараттық қауіпсіздік, криптография, деректер базасы,  желілердегі ақпараттық қауіпсіздік жүйелері және т.б. тақырыптардың кең ауқымын оқи алады. Олар ақпараттық қауіпсіздік саласында қолданылатын әртүрлі құралдар мен технологиялармен тәжірибе жинақтайды. Мысалы, талдау және зиянды бағдарламаларды анықтау құралдары, вирустардан қорғау бағдарламалық қамтамасыз ету және т.б. бағыттар бойынша тәжірибе алмасап отырады.

Сонымен қатар, әл-Фараби атындағы ҚазҰУ университеті мықты ғылыми базаға ие және ақпараттық қауіпсіздік саласындағы үздік мамандармен серіктестік қатынаста. Бұл студенттердің сарапшылардан білім алуға, кеңестер мен нұсқаулар алуға, ғылыми жобалар мен конференцияларға қатысуға мүмкіндік береді. Түлектер ақпараттық технологиялар, банк ісі, мемлекеттік органдар және басқа да көптеген салаларда жұмыс жасай алады. Сонымен қатар, олар білімі мен біліктілігін тереңдету үшін магистратура мен докторантурада оқуын жалғастыра алады.

Студенттер техникалық дағдылардан басқа, жобаларды басқару, коммуникация дағдылары, аналитикалық дағдылар және мәселелерді шешу сияқты кең ауқымды құзыреттерге ие болады. Осының барлығы олардың командада жұмыс істей алатын және ақпараттық қауіпсіздік саласында жауапты шешімдер қабылдай алатын пайдалы маман болып қалыптасуына көмектеседі.

Қорытындылай келе, ақпараттық қауіпсіздік жүйелері қазіргі әлемдегі өте кең таралған және маңызды сала болып табылады. Технологиялар мен киберқауіпсіздік қатерлерінің жылдам өзгеру жағдайында ақпараттық қауіпсіздік мамандарына сұраныс артып келеді. Жалпы алғанда, мамандық Қазақстанның көптеген университеттерінде оқытылады. Соның ішінде, әл-Фараби атындағы ҚазҰУ университетінде ақпараттық қауіпсіздік жүйесі мамандығы бойынша оқыту студенттерге сапалы білім алуға және деректер мен ақпараттық жүйелерді киберқауіптерден қорғау жолдарын үйренуге мүмкіндік береді. Бұл осы қарқынды дамып келе жатқан салада көптеген мансаптық мүмкіндіктер мен табыстарға жол ашады. Сондықтан, әл-Фараби атындағы ҚазҰУ университетінің ақпараттық қауіпсіздік жүйесі мамандығы бойынша оқу – осы салада көп сұранысқа ие және болашағы зор мансапты қалайтындар үшін тамаша таңдау екеніне сенімдімін.

Закенова Айжан ҚазҰУ университетінің 1 курс магистранты, Аға оқытушы Оразбаева А.С

Әлеуметтік желілерде бөлісіңіз: