Технология және бизнес: жасанды интеллект арқылы ақша табу мүмкін бе?

Жасанды интеллект (ЖИ) — бұл адамдардың ақыл-ойына ұқсас әрекеттерді орындауға қабілетті компьютерлік жүйе. Ол мәліметтерді өңдеуде, шешім қабылдауда және адамның қатысуынсыз тапсырмаларды орындауда қолданылады. Қазіргі таңда ЖИ бизнес саласында кеңінен қолданыла бастады, ал оның мүмкіндіктері сан түрлі.

Жасанды интеллекттің бизнеске әкелетін басты артықшылықтарының бірі — автоматизациялау. Бұл технология жұмыс процестерін жылдамдатуға және оңтайландыруға мүмкіндік береді. Мысалы, ЖИ арқылы клиенттермен өзара әрекеттесуді жақсартуға болады: чат-боттар, виртуалды көмекшілер тұтынушыларға қызмет көрсету саласында белсенді жұмыс істеп, жауап беру уақытын қысқартады. Қазақстанда да мұндай технологиялар қарқынды түрде енгізілуде. Мысалы, Алматы қаласындағы бірнеше банктер клиенттерге ЖИ арқылы кеңес беретін чат-боттар ұсынады. Бұл қызметтер тұтынушыларға қажетті ақпаратты жылдам әрі тиімді түрде алуға мүмкіндік береді. Бұл өз кезегінде компаниялардың тиімділігін арттырып, уақыт пен ресурстарды үнемдеуге ықпал етеді.

Жасанды интеллекттің бизнеске қосымша кіріс көздерін ашатын тағы бір аспектісі — деректерді талдау. Қазақстандағы бірнеше ірі компаниялар ЖИ жүйелерін қолданып, нарықтық трендтерді болжап, өздерінің маркетингтік стратегияларын жақсартып отыр. Мысалы, Қазақстанның ең ірі онлайн сауда алаңы — «Kaspi.kz» өз пайдаланушыларының мінез-құлқын талдай отырып, оларға ең тиімді ұсыныстарды көрсетіп, сату көлемін арттыруда.

ЖИ технологиясының тағы бір маңызды қолдану саласы — өндіріс. Мысалы, Қарағанды облысында металлургия саласында ЖИ жүйелері қолданылып, өндіріс процесі автоматтандырылған. Бұл өндіріс тиімділігін арттырып, қателіктерді азайтты.

Сонымен, жасанды интеллект арқылы ақша табу мүмкін бе? Әрине, мүмкін! Жасанды интелект технологиясын тиімді пайдаланатын бизнес иелері табысты арттырып, нарықта бәсекеге қабілетті бола алады. Сонымен қатар, жаңа қызметтер мен өнімдер жасау арқылы ЖИ кәсіпкерлерге жаңа мүмкіндіктер ашады. Осылайша, жасанды интеллекттің бизнес саласына енгізілуі — тек уақыт мәселесі, әрі ол қазіргі заманның басты тенденциясына айналуда.

Данибай Мөлдір