әл-Фараби атындағы Қазақ ұлттық университеті – сапалы білім мен біліктілік ордасы

әл-Фараби атындағы Қазақ ұлттық университеті – сапалы білім мен біліктілік ордасы

Мен үшін әл-Фараби атындағы Қазақ ұлттық университетінде магистратурада оқу үлкен мәртебе әрі мақтаныш. Еліміздің алдыңғы қатарлы оқу ордаларының бірінде білім алып жатқандықтан, менде осы университеттің тарихын, жетістіктері мен құндылықтарын бағалау сезімі арта түсуде. Университеттің ұлттық мәртебесі, ұлағатты ұстаздардан сабақ алу мүмкіндігі, заманауи білім беру әдістемесі мен озық материалдық-техникалық базасы білім алушыларға сапалы әрі жан-жақты білім береді.

Қазіргі уақытта мен магистратурада оқи отырып, өзім үшін аса маңызды және қажетті пәндердің бірі – «Басқару психологиясы» сабағына қатысып жүрмін. Бұл пән біздің ұйымдағы адамдарды басқару, мотивация беру, ұжымдағы қарым-қатынасты жақсарту, шешім қабылдау, дағдарыс жағдайларын шешу сияқты мәселелерді дұрыс түсініп, оларға тиімді жауап бере алуымызға мүмкіндік береді. Осы пәнді бізге тәжірибесі мол, өз ісінің білгірі – Жұбаназарова Назираш апай жүргізеді. Ол кісі бізді басқару психологиясындағы ең жаңа теориялар мен әдістермен таныстырып қана қоймай, оларды нақты өмірде қолдану жолдарын да түсіндіріп отырады.

Назираш апайдың сабағында әрбір тақырып терең талданып, оны іс жүзінде меңгеруге арналған кейстер мен практикалық жаттығулар ұйымдастырылады. Мысалы, біз сабақ барысында нақты жұмыс жағдайларын талдап, басқару міндеттерін шешудің түрлі тәсілдерін қарастырамыз. Мұндай тәжірибелік әдістер теориялық білімімізді тереңдетуге және практикалық дағдыларымызды дамытуға үлкен көмек береді.

Университеттің материалдық-техникалық базасы мен заманауи құрал-жабдықтарымен қамтамасыз етілген аудиториялары біздің білім алуымызға барынша қолайлы жағдай жасайды. Университет кітапханасы да – ғылым мен білімнің нағыз қазынасы, онда түрлі ғылыми әдебиеттер, әлемдік журналдар, ғылыми зерттеулер жинақталған, және бұл бізге зерттеу жұмыстарын жүргізу үшін аса қажет.

әл-Фараби атындағы Қазақ ұлттық университеті білім ордасы ретінде тек оқумен шектелмей, ғылыми-зерттеу жұмыстарын жүргізуге де көп көңіл бөледі. Университеттің ғылыми орталықтары мен зерттеу институттары магистранттарға тәжірибелік зерттеулер жүргізуге, жетекші мамандармен бірлесе жұмыс істеуге мүмкіндік береді. Бұның бәрі біздің кәсіби дамып, білікті маман ретінде қалыптасуымызға зор ықпал етеді.

Осы жерде алған білімім мен тәжірибем арқылы өз саламда жетістікке жетіп, еліміздің дамуына үлес қосамын деп сенемін. әл-Фараби атындағы Қазақ ұлттық университетінде білім алу маған болашақта үлкен мүмкіндіктер ашатынына кәміл сенемін.

Жубаназарова Н.С.

әл-Фараби атындағы ҚазҰУ

психология ғылымдарының кандидаты, жалпы және қолданбалы психология кафедрасының профессоры

Касен Г.А.

әл-Фараби атындағы ҚазҰУ

психология ғылымдарының кандидаты, доцент м.а.

Орал С.Н.

әл-Фараби атындағы ҚазҰУ-дың

1-курс магистранты