Бейтаныс,менің танысым

Сырластық таңдар атырып
Сездірмей ғана сағынып
Іштегі сезім отына 
Берілдік,түндер батырып

Сездік қой мына екеуміз
Біздегі сол бір дерт егіз
Өзіңді ғана ойлаушы ем
Ақылым тыста елеусіз

Бір кезде қара бұлт төнді
Арада сезім өшкенді
Кеттің бе неге білмедім
Мендегі алау сөнбеді

Ұйқысыз қанша түн өтті
Күлкісіз менде күн өтті
Уақыттар тоқтап қалғандай
Сағыныш оты өртенді

Көргенде сені түсімде
Бөленем күйге ерекше
Оянбай қалсам деп ойлап
Тыныштық тапқам мен түсте

Қарамайсың сен маған 
Суықтық сенен байқалған
Қайтарсақ екен сол кезді
Арманда бірге қалқыған

Еркелік саған жарасқан
Нәзіктік бойға таласқан
Ұнатам сені әлі де 
Жүректе сақтап айтпаған

«Journiverse» білім беру орталығының оқушысы: Қыдырбек Шынар