Заманауи басқару мәдениетінің кілті

Әл-Фараби атындағы Қазақ ұлттық университетінде (ҚазҰУ) бұл пән магистратура деңгейінде терең әрі жүйелі түрде оқытылады. Университеттің ғылыми-педагогикалық әлеуеті, заманауи оқыту технологиялары және тәжірибеге бағытталған мазмұны бұл пәнді теория мен практиканың өзегіне айналдырып отыр.

       ҚазҰУ – сапалы білімнің символы. Қазақстандағы жетекші ЖОО-лардың бірі ретінде ҚазҰУ білім беруді ғылыммен ұштастырып, психология, басқару, коммуникация және мәдениетаралық қатынас секілді күрделі ұғымдарды заманауи форматта меңгертуде.

Басқару психологиясы пәнінің мазмұны мынадай бағыттарды қамтиды:

• Басқару іс-әрекетінің психологиялық негіздері
• Ұйымдағы тұлғааралық қатынастар мен қарым-қатынас
• Басшының тұлғалық бейнесі және басқару стилі
• Мотивациялық процестер мен эмоцияны басқару
• Іскерлік мансап, лидерлік дағдылар және конфликт жағдайларын шешу

Корпоративтік мәдениет және ұйымның эмоционалдық климаты

Дәрістер мен семинарлар интерактивті, кейстік, тренингтік форматтарда өткізіледі. Бұл студенттерге оқу барысында алған білімін нақты жағдайларда қолдануға мүмкіндік береді.

Кез келген маманға қажетті білім. ҚазҰУ мүмкіндіктері – табысты болашақ кепілі

Университет бұл пәнді тек басқарушы кадрлар үшін емес, барлық сала мамандарына ортақ әмбебап құрал ретінде ұсынады. Себебі басқару психологиясы арқылы адам мінез-құлқын түсіну, ұжыммен қатынасты реттеу, сындарлы шешім қабылдау дағдылары қалыптасады. Мұндай қабілеттер барлық мамандық иелері үшін – маңызды артықшылық.

Басқару психологиясы – тек оқулықтағы тақырып емес, ол – тұлғалық жетілу жолындағы нақты бағыт. Ал Әл-Фараби атындағы Қазақ ұлттық университеті – бұл жолдың жарқын бастауы.

Тленчиева Н.С.

Педагогика ғылымдарының кандиданты

Шамшидин О.М.

7M01501-Физика мамандығының магистранты

Әл-Фараби атындағы Қазақ ұлттық Университеті

Әлеуметтік желілерде бөлісіңіз: