Кибербуллинг – заманауи қауіп

      Кибербуллинг — адамның ар-намысына тиетін, қорлайтын немесе қорқытатын әрекеттердің интернет арқылы жасалуы.     Бұл — қазіргі қоғамдағы жасөспірімдер мен балаларға тікелей қауіп төндіретін әлеуметтік құбылыс.

Бүгінде кибербуллингтің бірнеше түрі кең таралған: қорлау, мазақ ету, жалған ақпарат тарату, қорқыту және бопсалау. Әлеуметтік желілер мен мессенджерлер бұл әрекеттерді жүзеге асыруды жеңілдетіп отыр.

Egov.kz сайтының мәліметінше, әлем бойынша 13-15 жас аралығындағы 150 миллионға жуық бала, яғни оқушылардың жартысы, құрдастары тарапынан интернет арқылы қысым көрген. Бұл өте алаңдатарлық көрсеткіш.

Егер сіз кибербуллингтің құрбаны болсаңыз, мынадай әрекеттерді жасағаныңыз дұрыс:

 1. Мәселені бірден ата-анаңызға немесе сенімді ересек адамға айтыңыз;

 2. Дәлелдерді сақтаңыз — скриншот, хаттар, хабарламалар;

 3. Құқықтық көмекке жүгініңіз. Қазақстанда кибербуллинг заң жүзінде қарастырылып жатыр;

 4. Қауіп төндіретін аккаунтты бұғаттап, әлеуметтік желі әкімшілігіне шағым түсіріңіз.

Кибербуллинг — көзге көрінбейтін, бірақ салдары ауыр психологиялық қысым. Бұл мәселе әрбір ата-ана, ұстаз және жасөспірім үшін маңызды. Саналы қолданушы болу — қауіптен қорғанудың алғашқы қадамы. Интернет — құрал. Ал оны дұрыс қолдану — біздің жауапкершілігіміз.

«Journiverse» білім беру орталығының оқушысы: Абдраман Аяужан