Он бесінші көк сөз (Қатеден үлгі ал)

 Саған ашудағы адамды бөлудің қажеті жоқ, жай ғана тыңдау керек өйткені ашудағы адам сен туралы бар шындықты айтады. Иә, соңында сеннен кешірім сұрайды, алайда ол сен туралы шындықты айтқанын білесің ғой. Шындықты айтқаны үшін ашуланудың қажеті жоқ. Адам көбінесе шындыққа емес өтірікке сенеді себебі: өтірік сенуге лайықты. Жалған елес ғұмыр құрдымға сүйрейді, ал шындықты солайымен қабылдап, жақсы жаққа өзгерту керек. Жаман естелік, құлаған бастамалар мен істер, өткендегі қателіктерің үшін налымай, тәжірибе ретінде көріп, одан әрмен мықты болып, сол қателікті жібермеуге тырысу керек. Себебі: қате деген түсінік жоқ, бәрі тәжірибе ғана, сол арқылы келесі қадам жасарда дұрыс басуға көмектеседі, ал жетістік жолы марафон, бір қате, бір қадам! Қазір бәрі ақылды, сондықтан біз қателіктерден үлгі алуымыз керек! Шахмат сияқты бір емес, екі емес үшінші қате кешірілмейді, өмірде солай. Жақсы естелік адамды іштен жылытады және іштен бөлшектейді. Себебі: ол кез енді ешқашан қайтып келмейді. Өткен іс өтті, ал енді болашағың үшін бүгінді түзе. "Өміріңде қанша күн бар екені маңызды емес, күндеріңде қанша өмір бар екені маңызды!" деп досым айтқан. Егер сіз қолыңнан келетін істі бастаудан қорықсаңыз, бұл сіз іздеген іс, оны сол сәтте орындау керек деген сөз. Егер де сіз басқалардан басып озуды қаласаңыз, өзгелер қашатын істі істеуге дайын болыңыз! Иә, бәлкім өткенің ойыңнан кетпейтін шығар, алайда өткен сенің ойыңда, ал болашағың қолыңда. Жараны емдеу үшін оны түрте беруді доғару қажет, мейлі физикалық не психологиялық болса да. Алла тағала адамдардың барлығын бірдей жаратты, ал одан кейін бәрі өзіне байланысты. Қалай өткізеді, кіммен өткізеді, жақсы іс қыла ма, жаман іс қыла ма – бәрі өз еркін де, тек жаман ісі жамандыққа, ал жақсы ісі жақсылыққа алып баратұғынын білсін! Менің бір қартайған танысым айтқан, қартайғаны соншалықты өліп қалған, бұдан артық қартайғандық жоқ шығар, сол маған

"Батырдың ұрпағымын деп, қатынның тірлігін жасама!" деген. Ақсүйекті отбасынан болсаң да сен олардың ауыр жолын өте аласың ба не оны алып жүре аласың ба? Міне мәселе сонда! Егер ақсүйекті отбасынан болмасаң өзің ақсүйекті әулетті қыл! Адамның өмірін қиындатудың қажеті жоқ! Жай ғана болған жағдайларға түсіністікпен және жанашырлықпен қарау қажет, оның орнына өзіңді қоюың керек! Біз күнде әртүрлі нәрселер туралы ойлаймыз және ойлау үшін өмір сүреміз, бірақ жақсы адал өмір сүру үшін ойланбаймыз! Менің әр жеңісім - маған сенбегендерді жазалағаным! Өзгенің пікірі үшін өз өміріңді қиындатпа! Бастаманы сен жаз, сен бірінші бол, сен өзгелерге үлгі бол! Біз пендеміз қате жібереміз және қанша тырыссақ та өткенді өзгерте алмаймыз!