Ана тілін сақтауда жастардың рөлі

Ана тілі - ұлттық болмыстың негізі. Тіл тек қарым - қатынас құралы емес, ол - ұлттық жад. Қазақстанның болашағы жастардың қолында болғандықтан, мемлекеттік тілдің қолданыс аясын кеңейту де тікелей осы буынға байланысты. Қазіргі жаһандану дәуірінде шет тілдерін меңгеру қажеттілік болғанымен, ана тілін білу - парыз.

Жастардың тілді аялап, сақтау үшін не жасауға болады? Тілді сақтау мен дамытуда жастардың атқаратын рөлі бірнеше бағытты қамтиды. Біріншіден, сандық кеңістіктегі белсенділік. Бүгінгі жастар - интернет пен әлеуметтік желінің тілін меңгерген буын. Сондықтан Instagram, TikTok, YouTube сияқты платформаларда қазақ тілді сапалы контент жасау тілдің беделін асырады. Екіншіден, күнделікті өмірдегі қолданыс. Тілді сақтау үйдегі әңгімеден немесе достар арасындағы сөйлесуден басталады. Жастар өзара сөйлескенде шет тіліндегі сөздерді қоспай, таза әрі көркем сөйлеуге тырысуы тиіс. Үшіншіден, технология мен ғылым тіліне айналдыру қажет.  Қазіргі заманғы терминдерді, бағдарламалау тілдерін және ғылыми жаңалықтарды қазақ тіліне бейімдеу - білімді жастардың міндеті.

Тіл мәдениеті және жауапкершілік. Мақаланың ең маңызды тұсы - тіл тазалығы. Соңғы кездері жастар арасында «шала қазақша» немесе орыс-ағылшын сөздерін араластырып сөйлеу белең алып барады. Дегенмен, зазіргі жастар арасында қазақша сөйлеу “сәнді” үрдіске айналып келеді. Қазақ тіліндегі заманауи музыка, ұлттық нақыштағы киімдер мен қазақша стэнд-ап кештері тілді жаңа деңгейге көтерді. Мысалы,darideiya этно киім дүкені. Бұл -  тілді мәжбүрлеу арқылы емес, сұраныс пен қызығушылық арқылы дамытудың үздік үлгісі.

Түйін, ана тілін сақтау - әрбір жас азаматтың Отан алдындағы борышы. “Өзге тілдің бәрін біл, өз тіліңді құрметте.” Тіл өлсе, ұлт та жойылады. Сондықтан жастар өз ана тілінде сөйлеуді мақтаныш көріп, оны заман талабына сай дамытуы қажет. Тілдің болашағы – жастардың білімі мен оған деген құрметінде. Ана тілі – халықтың өткені, бүгіні және болашағы.