Қоғамдағы діни сауаттылықтың маңызы

Қазіргі таңда Қазақстан Республикасы зайырлы мемлекет ретінде әр азаматқа діни сенім бостандығын қамтамасыз етеді. Бұл құқық Конституциямен бекітілген және әр адамның өз сенімін еркін таңдауына мүмкіндік береді. Алайда діни еркіндікпен қатар, діни сауаттылықтың маңызы ерекше. Діни білімнің жеткіліксіздігі түрлі теріс ағымдардың таралуына жол ашуы мүмкін, сондықтан бұл мәселе қоғам үшін өзекті болып отыр.

Негізгі бөлім

Діни сауаттылық — адамның өз дінін дұрыс түсінуі, оның құндылықтарын саналы түрде қабылдауы және өзге сенімдерге құрметпен қарауы. Мұндай білім адамды радикалды идеялардан, жалған діни ақпараттан және деструктивті ағымдардың ықпалынан қорғайды. Қазіргі ақпараттық заманда интернет пен әлеуметтік желілер арқылы таралатын діни мазмұндағы ақпараттардың барлығы бірдей сенімді емес. Осы себепті адамдар ақпаратты сүзгіден өткізіп, тек ресми және тексерілген дереккөздерге сүйенуі қажет.

Діни сауаттылық қоғамдағы тұрақтылық пен бейбітшілікті сақтауда маңызды рөл атқарады. Сауатты адам өз сенімін дұрыс түсініп қана қоймай, басқа дін өкілдерінің құқықтарын құрметтейді. Бұл өз кезегінде дінаралық келісім мен толеранттылықты нығайтады. Қазақстан сияқты көпұлтты және көпконфессиялы мемлекетте бұл өте маңызды фактор болып табылады.

Сонымен қатар, діни білім жастар арасында ерекше мәнге ие. Жастардың сыни ойлау қабілетін дамыту, оларды дұрыс ақпаратпен қамтамасыз ету — экстремизм мен радикализмнің алдын алудың тиімді жолдарының бірі. Білім беру мекемелерінде дінтану негіздерін оқыту, түсіндіру жұмыстарын жүргізу және білікті мамандардың кеңесін насихаттау — маңызды міндеттердің бірі.Қорытындылай келе, діни сауаттылық — қоғам қауіпсіздігі мен тұрақтылығының негізі. Әрбір адам өз білімін арттырып, ақпаратты дұрыс қабылдай білсе, түрлі қауіп-қатерлердің алдын алуға болады. Сондықтан діни ағарту жұмыстарын күшейту және жастарға дұрыс бағыт беру — қоғамның ортақ міндеті.

 

Әдебиет: «Зайырлы білім беру жүйесіндегі дінді зерттеудің заманауи әдістері» А.Д.Курманалиева, Қ.М.Бишманоы,Е.Г.Берикбаев- Алматы: Қазақ университеті, 2024.-54с.
 

Мақала авторы: әл-Фараби атындағы ҚазҰУ,ФжСФ,Дінтану мамандығы 4-курс студенті Тоқай Айым Бағиқызы.

әл-Фараби атындағы ҚазҰУ,ФжСФ,Дінтану мамандығы 4-курс студенті Қанжарбек Ернар Ерланұлы

Ғылыми жетекші: Аға оқытушы,phd Мұқан Нұрзат.

---