Мотивация, мақсат және жетістік

– Мотивация – жетістікке жетуді қамтамасыз ететін ынталандырушы күш.

– Бұл күшті іске қосу әркімнің өз қолында.

– Өз өнімділігіңізбен жарысыңыз, оны арттыруға, жетілдіруге тырысыңыз.

– Қазірге дейінгі (бар болса) сәтсіздіктеріңіздің артта қалғанын ойлаңыз.

– Әр жаңа күннің жаңа бастауыш болатынын ұмытпаңыз.

– Еңбегіңіздің зая кетпейтінін міндетті түрде жемісін көретініңізге сеніңіз.

– Өз-өзіне деген сенімділік өте маңызды. Қандай да бір істі орындай алатынына немесе алдына қойған мақсатына жете алатындығына, жетістікке жететініне сену осы жолдағы ең әсерлі күш-жігер беретін мотивация.

– «Бұл іс қиын», «бұл сабақ қиын» деген сияқты тежеуші ойлардың орнына «Қажетінше тырысатын болсам бұл менің қолымнан келеді» деп ойлау керек.   

– Жетістікке жетудің ең маңызды негіздерінің бірі алға мақсат қою.

– Мақсатсыз адам, жүзетін бағытын білмейтін кемеге ұқсайды. Оған ешкім көмек бере алмайды.

– Қазіргі сәттен бастап алдыңызға мақсат қойыңыз.

– Қысқа, орта және ұзақ мерзімді мақсаттарыңызды жоспарлаңыз. Осы жыл ішіндегі басты мақсаттарыңызды белгілеп ынта-жігерлеріңізді осы мақсатқа шоғырлаңыз.

– Іс-шараларыңызды маңыздылығына қарай реттеңіз. Күш-жігеріңізді маңыздыларына жұмсаңыз.

– Алға қойған мақсатыңызды үлкен әріптермен жазып, мәселен жұмыс столыңызға қарсы алдыңызда көрінетіндей етіп іліп қойыңыз.

– Адам бір нәрсені бүкіл ынта-жігерімен, шын жүрегімен қалап тырысып бақса, оның ала алмайтын қамалы болмайды. Еш нәрсе қол жеткізе алмайтындай биікте емес.

Назар аудар:

Өмірді өзгертетін 15 қарапайым ереже

Бір күнделіктен үзінді

Жетістіктің жолдары

Жұмыстың астында езіліп қалмау керек