Аспара

Қазақстан мен Қырғызстанның шекарасында Тараз — Бішкек көлік жолынан солға қарай ортағасырлық Аспара қаласының орны сақталған. Қаланың құлаған қабырғаларының ұзындығы: солтүстігінде — 245 м, шығысында — 300 м, оңтүстігінде — 196 м және батысында — 150  м. Цитадельдің (ішкі қамалдың) аумағы — 190х160 шаршы метр, биіктігі — 15 м. Қаланың негізгі бөлігі V — XII ғасырлар аралығында қаланған. Дегенмен, қазба жұмыстары кезінде оның солтүстік-шығыс шетінде орналасқан бөлігінің XIV — XV ғасырларда болғандығы дәлелденді. Ұлы Жібек жолының бойындағы қала ретінде Аспара қытай және араб деректерінде (Сюань-Цзянь, Құдама, ибн Хордадбех) жиі кездеседі.

Әлеуметтік желілерде бөлісіңіз: