Авторлық бағдарлама "Сиқырлы математика"

Алматы облысы

Балқаш ауданы

"Бөбек" балабақшасының тәрбиешісі

Жуманова Динара Жумадиловна

«Математика сиқыры»  Қарапайым математикалық ұғымдарды қалыптастыруға арналған авторлық бағдарлама (балабақша педагогтарға арналған бағдарлама)

Түсінік хат

Балабақшаның ортаңғы тобына арналған қарапайым математикалық түсініктерді дамыту жөніндегі бағдарламаларда балалардың алдынғы  топтарда алған білімдерін жалпылау, жүйелеу, кеңейту және тереңдету қаралған.

Балалар сан, пішін туралы өзара байланысы бар түсініктерді меңгеруі, кеңістік пен уақытты бағдарлай алуы тиіс.

Математикалық байланыстар мен байланыстылық туралы түсінік қалыптастыру, тиісті амалдарды меңгеру ортаңғы тобындағы балалардың  көрнекті – бейнелі ойлауын жаңа деңгейге көтеруге  мүмкіндік береді. Балалар көзбен көріп, іштей есептеуге үйренеді, олардың көз мөлшер, пішінді шамалау жылдамдығы арта түседі.

Бұл жас мөлшерінде ойлау қабілетін, ойлау дербестігін  дамыту, талдау, салыстыру, қорыту секілді ойлау әрекеттерін дамытудың да маңызы зор.

Бұл бағдарлама балабақшадағы ортаңғы топтарындағы қарапайым математикалық ұғымдарды қалыптастыруға қосымша балалардың математикалық білімін кеңейтіп, математикаға деген қызығушылығын арттыру үшін қажет.

Бағдарламада кеңістік, уақыт арқылы бағдарлау, заттарды санау, сызықтар, қазақ халқында жиі қолданылатын сандар, сандар қатары, математикалық ертегі логикалық тапсырмалар, қызықты жаттығулар, дидактикалық ойындар, есептер, геометриялық пішіндер туралы танымдық қабілеттерін дамытуға мүмкіндік береді. Сандар мен оларға қолданылатын амалдар, есептер және геометрия элементтері де қамтылған. Сондықтан тереңдете үйрету арқылы баланың математикалық сауаттылығы артады.

«Математика сиқыры»  курс бағдарламасы аптасына 1 сағат, барлығы 36 сағатқа  арналған. Бағдарлама балалардың жас ерекшеліктеріне бейімделіп жасалған.

Бағдарламаны  оқыту төмендегідей  мақсаты мен міндеттеріне жетудің қажеттілігін қамтамасыз етеді.

Мақсаты:

• Балалардың танымдық, шығармашылық қабілетін дамыту
• Баланың ақыл-ойының математикалық  сауаттылығын  дамыту;
• меңгерген математикалық білімін өмірде қолдануға жан-жақты дайыңдауды жүзеге асыру.

  Міндеттері:

• баланың тұлға ретінде қалыптасуына,  ақыл-ойын дамытуға,  ерік пен сезімге қатысты белсенділігін қалыптастыруға мүмкіндік  дағдысын арттыру;
• баланың өмір сүруіне және болашақта мектепте қажетті білім, білік және дағдыларды қалыптастыру.

   

Пайдаланылған әдебиеттер тізімі

1. А.Б.Акпаева, Л.А.Лебедева. Қарапайым математикалық  түсініктерді қалыптастыру.  Алматыкітап баспасы.2012жыл

2. Ұ.Жұмаділдаева. Сандарға саяхат. Алматы 1997жыл

3. А.Құралұлы. Ұлттық дүниетаным 2002жыл

4. Б.М.Қосанов. Математикадан дидактикалық ойындар және қызықты жаттығулар. Алматы 1998жыл

5. «Ойнайық та ойлайық». Алматы 1996 жыл

6. А .Е. Әбілқасымова, С.Қ.Төлеубаева «Математика сабағында ұлттық ойындар мен түрлі жанрларды қолдану» Астана 2005жыл

7. Метлина Л. С Математика в детском саду.198

8. Артемова Л.В. Дидактикалық ойындар.  – М 1992