Өлең, жыр, ақындар

Босқа өткен күн

  • 30.04.2019
  • 0
  • 0
  • 2843
Қызуымен пеш күннің
Кездім тірлік базарын.
Бірақ бүгін ешкімнің
Аудармадым назарын.
Қопарып жер қабатын,
Қазына-кен қазбадым.
Халық жаттап алатын
Бір ауыз жыр жазбадым.
Жырдың буда гүліне
Болады ел ыразы.
Бірақ бүгін тіліме
Оралмады бір әзіл.
Кітапханам өзіме
Көңілсіздеу тұр қарап.
Әйнек киіп көзіме
Оқымадым бір парақ.
Маған ыстық ақ үйдің
Өттім үнсіз қасынан.
Кездескен бір сәбидің
Сипамадым басынан.
Кіріп думан-дүкенге
Шаттық алып қайтпадым.
Кішіге, не үлкенге
Бір жылы сөз айтпадым.
Жұрт алдында жиналған
Мақтанар ем сол үшін,
Бір адамға қиналған
Бере алмадым қол ұшын.
Түк келмеген ойыма
Бұл күнді мен тұл деймін.
Ішкен асым
Бойыма
Қалай сіңді?
Білмеймін!



Пікірлер (0)

Пікір қалдырыңыз

Өмір

  • 0
  • 0

Қызғыштай қорып өңірді
Кездерің, ұлым, жортатын.
Қиыны қиын өмірдің,
Түгі жоқ бірақ қорқатын.

Толық

Құстар қанша баққа көрік болатын

  • 0
  • 1

Құстар қанша баққа көрік болатын!
Бұлбұл анау,
Қадірлейді ол атын.
Шырыны үшін,

Толық

Көрініп тұрмағанмен көзге мінім

  • 0
  • 0

Көрініп тұрмағанмен көзге мінім,
Сыймайды қанша айтсам да сөзге мұңым.
Біреу кеп біреулерді жамандайды,
Өзіме бітпей жүрсе өз көңілім.

Толық

Қарап көріңіз

Басқа да жазбалар