Өлең, жыр, ақындар

Мақсат болу керек қой әр адымда

  • 01.05.2019
  • 0
  • 0
  • 5141
Мақсат болу керек қой әр адымда.
Шын жиһангер болуға жарадың ба?!
Ауылыңнан қанша ұзап шықтың екен,
Артыңа бір бұрылып қарадың ба?!
Еңгезердей,
Еңселі алып денең
Еткізе алса жақсы ғой халықты елең.
Сана керек,
Сананың мектебінде
Ұзап кете алдың ба әліппеден?!
Тұрған жерің тарихтың арты емес пе?!
Сағат сайын есею — шарт емес пе?!
Кафедра дегенің
Бір кездегі
Өзің он жыл отырған парта емес пе?!
Қанша адастың надандық даласында?!
Өткеніңе көзіңді саласың ба?!
Елу деген жасы ғой даналардың,
Елуде де әлі сол баласың ба?!
Ақылға ақыл қостың ба?
Дарыттың ба?
Ойдың атын сапарда арыттың ба?
Жарты ғасыр жол жүрдің,
Жарты түйір
Жәрдем беріп еліңе жарыттың ба?!
Мұңайдың ба?
Іштің бе?
Тойладың ба?
Жүрген жерге бір белгі қоймадың ба?
Қайдан шықтық?
Осы біз қанша жүрдік?
Қайда бара жатырмыз?
Ойладың ба?!
Мақсат болу керек қой әр адымда.
Шын жиһангер болуға жарадың ба?!
Ауылыңнан қанша ұзап шықтың екен,
Артыңа бір бұрылып қарадың ба?!
Түсетұғын заман ғой адам сынға.
Осыны ойлап,
Сен өзің алаңсың ба?!
Мынау қақпа?..
Апыр-ау,
Шыққан жерге
Қайтып келіп тұрғаннан амансың ба?!



Пікірлер (0)

Пікір қалдырыңыз

Кім біледі не боларын түбінде

  • 0
  • 0

Кім біледі не боларын түбінде.
Айту қиын бәрін өлең тілінде.
Азап пенен қиындықты
Мыңқ етпей

Толық

Кез болса да гүл түгіл, тас құрттаған

  • 0
  • 0

Кез болса да гүл түгіл, тас құрттаған,
Көкірегімді ешкімге бастыртпағам.
Қуанышы құлақтың — жылы лебіз,
Жылы лебіз,

Толық

Төбет пен күшік

  • 0
  • 0

Иығыңды жауып жылы ішікпен,
Даналықтың бальзамынан ішіп пе ең?!
Ішсең егер — түсінесің,
Қарашы,

Толық

Қарап көріңіз