Өлең, жыр, ақындар

Сөз сенікі, Франция

  • 23.05.2019
  • 0
  • 0
  • 1618
Франция — коммунарлар Отаны,
Таусылмаса құшағыңнан от әлі,
Ал қабылдап Лениннің інісін,
Барды саған ұлы Маркс ұрпағы.
Тарихыңды тағы да бір жаңартып,
Сол баяғы ұлылықпен қал артық.
Пролетариат өссінші бір мерейі,
Буржуйлардың сорлы кезін алартып.
Европа тағдырына таландас —
Франция бейбіт күнге қадам бас.
Ұлы елдердің тілегі бір қосылса,
Тыныштықты ешкім жаулап ала алмас
Байлауыңды айт, сөз сенікі дегенде,
Құс айналып, тұр қалықтап төбеңде,
Кәрі Париж бір өзің боп сөйлесін,
Көз жіберіп сонау тарих — тереңге.
Революция туын тұңғыш сен алдың,
Жарлап таңын асыл, нұрлы заманның.
Сол бір туды Россияда қорғады
Батырлары «Нормандия — Неманның».
Сол туыстық, достығыңды ал сына,
Сен шақырдың, құлақ түрдік дауысыңа,
Аспаныңмен жүзіп байтақ Россия
Барды бүгін ал көңілмен қасыңа!
Ол өзгедей тұңғиыққа батырмас,
Баз салам деп басыңды да қатырмас,
Мейманыңмен мейіріңді бөліс те,
Болашақтың жақсы күнін ақылдас!



Пікірлер (0)

Пікір қалдырыңыз

Әлкей Марғұлан

  • 0
  • 0

...Даланы шарлаған, тау барған,
Қырлардың қыртысын аударған.
Қираған құмыраға жұққан шаңдардан
Өлген қалалар сырын аңғарған

Толық

Алматы таңы

  • 0
  • 0

Таң азанда таласып арай-күнмен,
Алматының үстінен қараймын мен.
Бауыры шаң-шаң бұлттар тауға көшіп,
Көрінеді көшелер талай жүрген.

Толық

Түнде, көлдің үстінде

  • 0
  • 0

Түсіріп көктен сәулесін
Ай тұрды көлге үңіліп.
Желпіп айдың кеудесін
Самал өтті жүгіріп.

Толық

Қарап көріңіз