Ғафу Қайырбеков

Табрида тамашалары

Бұл бетте «Табрида тамашалары» атты Ғафу Қайырбеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

28.05.2019
0
0
1170

ҚЫРЫМ

Қырмызы Қырым, тау Қырым,
Қызығың неткен көп еді.
Жұпарға толы бауырын,
Қай жомарт күнде себеді?!
Табиғат ана қойнында,
Ерекше туған қай қызсың?!
Неге сен, әттең, көп емес,
Неге сен, әттең, жалғызсың?!
Атақты Қырым, бай Қырым,
Төбеңе сенің жақын күн.
Қалдың - ау алып сан жырын
Қызыққан саған ақынның.
Деуші едік мақтар сондайлық
Соншама құнды жер ме екен.
Денсаулық деген зор байлық
Түп-түгел өзі сенде екен.
Толы бір тарих әр тасың
Оқимын оймен, жүгінем.
Сиқырмен ғажап тартасың
Кісіні жердің түбінен.
Мен сайрандап сауықтым,
Сен кідірмей бар, жолдас!
Қырымы бар халықтың
Дені қалай сау болмас!

Ғафу Қайырбеков қырым табрида тамашалары Ғафу Қайырбеков өлеңдері

Пікірлер (0)

Пікір қалдырыңыз

Жиі қойылатын сұрақтар