Өлең, жыр, ақындар

Теңіздегі кеш

  • 28.05.2019
  • 0
  • 0
  • 1319
Қара торғын түн еді,
Біз кемеге мінгенде.
Жар шашының жібегі
Мөлдір еді түннен де.
Палубада көп адам,
Палубада екеуміз.
Ұзай бердік жағадан,
Тербей берді көк теңіз.
Теңіз де бір момақан
Қалғып жатқан шақ еді.
Болды лезде бұл талқан,
Неткен сергек, сақ еді.
Жал-жал толқын жапырлап,
Мінбек болды кемеге.
Теңіз көзі жалтылдап,
Зәр шашады денеге.
Жарымды үрей қамаған
Тау толқындар соқса үдеп.
Ұқтырамын мен оған
«Теңіз көркі — осы!» деп.
«Сәулем - айға» шырқадық,
Қарт көңілін жұбатып.
Басылды сәл бұрқанып,
Қалды ма екен ұнатып.
Кетпес естен ғажап түн,
«Сәулем - айға» қосылған.
Әнін тыңдап қазақтың
Долы теңіз басылған.



Пікірлер (0)

Пікір қалдырыңыз

Сарыарқа

  • 0
  • 0

Сарыарқа жерге қойған елдің аты,
Бір сөзде ата қазақ махаббаты,
Болжаған болашағын сан ғасырға
Даланың данышпаны — дана қарты.

Толық

Алматы — ару

  • 0
  • 0

Ал, ару, сен дегенде жыр ағылды,
Бір ағын басып-озып бір ағынды,
Кеудемнен қотарылды асау толқын,
Білмеймін қалай бастап, тынарымды.

Толық

Ғабит Мүсірепов

  • 0
  • 0

Қуаныш жан толқытпай жай шыға ма,
Жұлдыз бар мақташыда, қойшыда да,
Ойпыр-ай, сен алғаның бақыт болды-ау
Қазақтың қадірлі ұлы, ойшыл аға!

Толық

Қарап көріңіз

Басқа да жазбалар