Анар Шамшадинова

Қайда арманым алабұртқан, қайда бақ?

Бұл бетте «Қайда арманым алабұртқан, қайда бақ?» атты Анар Шамшадинова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

03.06.2019
0
0
2277

Қайда арманым алабұртқан, қайда бақ?
Кім кінәлі махаббатқа кешіккен?!
Отырғанда сен біреуді аймалап,
Күткеніме көзімді алмай есіктен.
Кім кінәлі саған деген сезімге?
Өртер жиі қалғанымен таңда ұйып,
Сен бақыттан балбыраған кезіңде,
Мен отырдым сағыныштан сан күйіп.
Кім кінәлі?
Сен бөтенмен күн кештің,
Маған ессіз ғашық болған қалпында,
Ал мендегі ұғына алмас жырды ешкім,
Бәлкім, оқыр қалған қазақ артымда.
Жанарымда сол баяғы сауал құр,
Жауабы жоқ жолдар жатыр айырық.
Неге біздің арамызда қамал тұр,
Үміттерді айырып?

Анар Шамшадинова арман бақ махаббат қайда арманым алабұртқан қайда бақ? Анар Шамшадинова өлеңдері

Пікірлер (0)

Пікір қалдырыңыз

Жиі қойылатын сұрақтар