Өлең, жыр, ақындар

Адайдың жүйрік Ақтаны

  • 07.06.2019
  • 0
  • 0
  • 1666
Адайдың жүйрік Ақтаны,
Алты Алаштың мақтаны.
Мәңгілік мұра қалдырған,
Халқымның өшпес отты әні.
Әр сөзі маржан тізілген,
Өнердің шуақ ақ таңы,
Сен десе қалай толғанбас,
Бегалының Лұқпаны?!
Айналайын жан көке,
Атағы мәлім жер көкке.
Биік біткен өресі,
Бір өзі ғасыр жыр көші,
Болмаған дәйім теңдесі.
Әулиелердің елесі.
Келешектің белесі.
Қара жердің кемесі,
Ғұлама ойдың киесі,.
Шақырған елін бірлікке,
Даналардың төресі!
Керуен заман көшінен,
Жарық төгіп құс ілген.
Дария жырын ақтарып,
Үлгі боп ізгі ісімен,
Кең даламның төсінен,
Әруақтардың күшімен,
Самал желдей есілген.
Қарсыласқан қас жауын,
Жай оғындай түсірген.
Қия шауып құзды алған,
Оя шауып мұзды алған,
Айналайын жан баба,
Кетермісің елдің есінен.
Батырлыққа жол бастап,
Ел ішінде жүрсің сен!
Ғасырлардың үнісің,
Өнердегі Пірімсің.
Ұрпағыңның күнісің.
Арулардың гүлісің.
Ақындарға өмірсің,
Асқақ ойдың төрісің,
Қайталанбас ірісің.
Алыптардың ізісің,
Саф алтынның өзісің
Намыс ардың көзісің.,
Ер Қосайдың сөзісің,
Пір Бекет атам жол салған,
Шетсіз-шексіз өріссің!
Көріпкел асыл әулием,
Сүйемін сені сол үшін!!



Пікірлер (0)

Пікір қалдырыңыз

Қасиетті парыз

  • 0
  • 0

Өтер жылдар, өтер тіпті ғасырлар,
Келер ұрпақ ерлік,даңққа бас ұрар.
Естен кетпес, Жеңіс күні және де,
Отан үшін жанын қиған асылдар.

Толық

Оралмаған солдаттар

  • 0
  • 0

Басыңды ій, ұлым, алда зират бар,
Бір кездегі қамал болған қыраттар.
Жатыр мұнда біздер үшін жан қиған,
Туған елге оралмаған солдаттар.

Толық

Сұлтан Уәис ата үні

  • 0
  • 0

Ақыл деген ырыс толы дария,
Сусындаған сезе білген жан ұя.
Қадірлесең Тәңір берген сыйлықты,
Тәрбие нұр құт толтырар қойныңа.

Толық

Қарап көріңіз