Өлең, жыр, ақындар

Ізгі ісіңмен ұлысың

  • 09.06.2019
  • 0
  • 0
  • 1295
(Төкен Танайұлына)

Арқалаған сан алғысын талайдың,
Сізді көрсек елестейді арай күн.
Атақ-даңқың гүрілдеген теңіздей,
Марқасқасы кіші жүзде Адайдың!
Інілерге біткен жарық шамдайын,
Сәл қиналса демеп, аға, қол жайдың.
Борыштымыз бәріміз де алдыңда,
Өзің барда болған емес сары уайым.
Егіз біткен ерлігің мен өрлігің,
Кең даламдай шетсіз-шексіз кеңдігің.
Саған айтар тілек көп қой біздерде,
Алпыс таудың басқан шақта кіндігін.
Қуат алып Кең Жылойдай ұяда,
Қанат қақтың абыроймен қияға.
Басқан ізің қай жерде де гүлденіп,
Ел үмітін ақтай білдің, жан аға!
Бірегейсің әуел бастан жаны асқақ,
Отызыңда орда бұзып жол бастап,
Маңғыстауды мекен еттің қанша жыл,
Түсірместен биіктерден ту ұстап.
Еңбек жанып, құт қадамың өркендеп,
Әр жолыңа із тастадың көркемдеп.
Сол еңбегің ұмытылған жоқ, жан аға,
Інілерің қол соғады Төкең деп.
Ұстазы боп ақ желкенді жастардың,
Өскен сайын тәкаппарсып таспадың.
Көз алдымда өткен жылдар сан жолдар,
Өзің демеп өрге қадам басқаным.
Нар халқыңның ұққан жүрек тынысын,
Жаратылған жансың ғой сен жыр үшін.
Пір Бекеттің Ақмешітін салдырған,
Ізгі ісіңмен, асыл аға, Ұлысың!



Пікірлер (0)

Пікір қалдырыңыз

Ағатай әулие

  • 0
  • 0

Айхара ашып дүниенің есігін,
Кең төріне емін еркін көсілдің.
Көз ашқаннан майдан болып көргенің,
Әруақты ерім, ұран болды есімің.

Толық

Ұлы қолбасшы Табын Қараұлы Бөкенбай батыр

  • 0
  • 0

О, Әулием ғасырларға ту ілген,
Ерлік даңқың аңыз жырмен төгілген.
Қалың жауды жеңіп талай қол бастап,
Орын алған туған елдің төрінен.

Толық

Шапих Ізбасұлы

  • 0
  • 0

Қайран Шаке! Алатаудай асқағым,
Бүгін менің биіктеді-ау аспаным,
Өз атыңа халқың берген көшеде,
Даналықтың көргендеймін бастауын.

Толық

Қарап көріңіз