Өлең, жыр, ақындар

Рахымжан Отарбаев

  • 09.06.2019
  • 0
  • 0
  • 3269
Кең әлемге қазағымды танытқан,
Дара туған тума талант жарық таң.
Шуақ төгіп адамзатқа ой салып,
Сөз маржанын дариядай ағылтқан.
Рахымжан-деп,өз қолымен қол қойып,
Бабалардың ізгі жолын жаңғыртқан,
Сүйсінбессің қалай дарын тұлғаға,
Ақын болсаң тереңдікке құмартқан!
Тағдыр қинап сынаса да қаншама,
Басын бұғып қалмастан ол тасада.
Пана қылып жалғыз ғана Тәңірді,
Көкжал селді ағыстарды қарсы ала
Сескенбестен дауылдардан қайсар ұл,
Алға тартып ұлтым деген ой сана.
Мәңгілікке соға білген ескерткіш,
Сұлулыққа қарау үшін тамсана!
Қас өнерден көтерген көк күмбезді,
Тылсым жұмбақ әлемдей ғой бір өзі.
Қуанасың ойларына даналық,
Елестеткен буырқанған теңізді.
Шақырады ерліктерге ізгі ісі.
Тану үшін дауылдарда өзіңді,
Ұғу үшін асқақ арман сезімді!



Пікірлер (0)

Пікір қалдырыңыз

Дәден ата үні

  • 0
  • 0

Кел, кел балам толқып кетті жүрегім,
Қабыл болсын маған деген тілегің.
Арнап өзің бас иіуге келген соң,
Ағылтайын қалың ойдың тиегін.

Толық

Майра Мұхамедқызы

  • 0
  • 0

Жүзе біліп ағысы мол тереңді,
Қазақ қызы мойындатқан әлемді.
Ой салады еріксізден жаныңа,
Пейілі оның айтшы неткен кең еді.

Толық

Бейбарыс

  • 0
  • 0

Туған елден жатқаныңмен тым алыс,
Өзің жәйлі тоқтамаған ой ағыс.
Кең әлемге Қыпшақ атын шығарған,
Египетте сұлтан болған Бейбарыс.

Толық